Iqtisod

Markaziy bank joʻnatmalarini rublda qabul qilishni tavsiya bermoqda

© Sputnik / Vladimir Trefilov / Fotobankka oʻtishDenejnыe kupyurы i monetы
Denejnыe kupyurы i monetы - Sputnik Oʻzbekiston, 1920, 03.03.2022
Obuna boʻlish
Yandex newsTelegram
Rossiyada valyuta almashtirish operatsiyasi uchun yuqori komissiya joriy etilishi munosabati bilan, Markaziy bank joʻnatmalarni rublda qabul qilishni va valyuta almashtirish operatsiyasini Oʻzbekistonda amalga oshirishni tavsiya etmoqda.
TOSHKENT, 3 mar - Sputnik. Oʻzbekiston Markaziy banki valyuta almashtirish jarayonida yoʻqotishlarni kamaytirish boʻyicha tavsiyalar berdi.
Maʼlumot uchun, bugun 3 martdan boshlab, Rossiya Markaziy banki jismoniy shaxslarning valyuta almashtirish operatsiyalariga 30% komissiya joriy etdi. Ushbu amaliyot valyuta-bozorida olib-sotarlikni va valyuta kurslariga spekulyativ operatsiyalar taʼsirini kamaytirish maqsadida amalga oshirilgan.
Rossiyadagi ushbu yangi qonun tufayli Oʻzbekiston fuqarolari pul joʻnatmalari amalga oshirish vaqtida (valyuta almashtirish jarayonida) yoʻqotishlarga duch kelmoqda.
Oʻzbekiston Markaziy banki, ushbu vaziyatdan kelib chiqqan holda, Rossiyadan joʻnatmalarni rublda joʻnatish va valyuta almashtirish operatsiyasini Oʻzbekistonda amalga oshirishni tavsiya qilmoqda.
Xususan, barcha tijorat banklariga quyidagilar tavsiya etilgan:
Rossiya rublidagi pul oʻtkazmalari boʻyicha ayirboshlash operatsiyalarini uzluksiz amalga oshirish hamda valyuta kursini belgilashda sotib olish va sotish kurslari oʻrtasidagi farqni maqbul darajada saqlab turish;
banklarning valyuta xavf-xatarlarini minimallashtirish maqsadida rossiya rublini sotish va sotib olish kurslarini joriy xalqaro kotirovkalarga asosan kun davomida oʻzgartirib borish.
Bu Rossiya Federatsiyasidagi Oʻzbekiston fuqarolariga pul mablagʻlarini rossiya rublida yuborish va respublika hududida ushbu mablagʻlarni ixtiyoriy valyutada qabul qilib olish imkonini beradi.
Avvalroq Rossiya Federatsiyasidan Oʻzbekistonga pul oʻtkazmalarini amalga oshiruvchi koʻplab tizimlar yoʻlga qoʻyilgani va baʼzi tizimlarda uzilishlar vujudga kelganda ularning boshqa muqobilidan foydalanish imkoniyati mavjudligi haqda xabar berilgan edi.
Yangiliklar lentasi
0