Analitika

Rossiya pul joʻnatmalari tizimida uzilish boʻladimi – ekspert fikri

© Sputnik / Vladimir TrefilovDenejnыe kupyurы
Denejnыe kupyurы - Sputnik Oʻzbekiston, 1920, 03.03.2022
Obuna boʻlish
Yandex newsTelegram
AQSH va Gʻarb sanktsiyalari sharoitida Rossiya va Oʻzbekiston orasida pul oʻtkazmalari tizimi qanday ishlashi haqida RISI mutaxassisi fikri bilan maqolamizda tanishing.
TOSHKENT, 3 mar - Sputnik. Rossiya Strategik izlanishlar instituti (RISI) mutaxassisi Sergey Galiyev yaqin kelajakda Rossiya va Oʻzebkiston orasida pul oʻtkazmalari tizimi qanday ishlashi borasida izoh berdi.
Mana bir necha kundan beri Oʻzbekiston banklari Rossiyadan pul oʻtkazmalarni olishda turli texnik muammolarga duch kelmoqda. Bu haqida xususan “Ipak yoʻli”, Apelsin va boshqa tijorat banklari maʼlum qilgan edi.
Galiyev aytishiga koʻra, Rossiyaning ayrim banklari SWIFT tizimida oʻchirishlardan soʻng pul oʻtkazmalari bilan muammolar oʻrtacha bir oy davomida kuzatilishi mumkin.
“Yangi, muqobil tizimga oʻtish, ichki va tashqi hujjatlar aylanmasining yangi tartibini oʻrnatish biroz vaqt talab qiladi”, - deydi Galiyev.
Shu bilan birga mutaxassis Gʻarb sanktsiyalari Rossiya milliy moliya tizimining rivojlanishiga va dollarning taʼsiri kamayishiga olib kelishiga ishonadi.
“Gʻarbning iqtisodiy sanktsiyalari - muqobil xalqaro moliya tizimilarining rivojlanishiga olib keladi. Yangi tizimlar esa oʻzaro hisob-kitobda dollar oʻrniga milliy valyutalardan foydalanish uchun xizmat qiladi”, - deydi Galiyev.
Eslatib oʻtamiz, biroz oldin Oʻzbekiston Markaziy banki matbuot-kotibi Akmal Nazarov Sputnik muxbiriga Rossiya va Oʻzbekiston orasida pul oʻtkazmalar tizimini diqqat bilan kuzatib borayotganini va kerak boʻlganda harakatlarni muvofiqlashtirayotganini maʼlum qilgan edi.
Eslatib oʻtamiz, Rossiya 24 fevral kuni Ukrainani demilitarizatsiya qilish boʻyicha maxsus harbiy operatsiya boshlaganini maʼlum qilgan edi. Shundan soʻng AQSH va Yevropa Ittifoqi Rossiyaga nisbatan iqtisodiy va moliyaviy sanktsiyalar qoʻllay boshladi. Jumladan bir necha banklarni xalqaro toʻlov tizimlaridan uzilishi haqida eʼlon qilingan edi.
Yangiliklar lentasi
0