Siyosat

Men talaba boʻlganimda ikkita joyda ishlardim – prezident

© Press-slujba prezidenta UzbekistanaPrezident Shavkat Mirziyoyev
Prezident Shavkat Mirziyoyev - Sputnik Oʻzbekiston, 1920, 06.03.2022
Obuna boʻlish
Yandex newsTelegram
Shavkat Mirziyoyev videoselektor yigʻilishida oʻzining yoshlik yillarini yodga oldi.
TOSHKENT, 6 mar — Sputnik. Prezident Shavkat Mirziyoyev oliy taʼlim muassasalari talabalari bandligini taʼminlash orqali ularning turmush darajasini yaxshilash chora-tadbirlari yuzasidan videoselektor yigʻilishida oʻzining yoshlik yillarini yodga oldi. Bu “Oʻzbekiston 24” telekanalida efirga uzatilgan “Menimcha” koʻrsatuvida namoyish etildi.
“Men oʻzim talaba boʻlganimda ikkita joyda ishlar edim. Bizda "voyennaya kafedra" bor edi va nasoslarni "regulirovka" qilish boʻyicha. Hozirgacha esimdan chiqmaydi, ikkita joyda yaxshi oylik olar edim. 56 soʻm bitta kafedradan, 42 soʻm bitta kafedradan”, — dedi davlat rahbari.
Oliy oʻquv yurti mutasaddilari talabalarning kelgusi faoliyatiga befarq boʻlmasligi, oʻz navbatida talabalar ham mehnatdan qochmasligi kerak. Ammo baribir asosiy masʼuliyat rektorlar zimmasida ekani taʼkidlandi.
Shavkat Mirziyoyev 4 mart kungi videoselektor yigʻilishida barcha davlat tashkilotlari va muassasalarida talabalarning ishlashiga ruxsat berilishini maʼlum qilgan edi. Taʼkidlanishicha, oliygohlar atrofidagi maktab va bogʻchalarda 13 ming vakant ish oʻrinlari mavjud. Kamida 10 ming nafar talabani ular uchun joylashuvi qulay boʻlgan maktab va bogʻchalarga ishga joylashtirish mumkin.
Mutasaddilarga davlat korxonalaridagi boʻsh ish oʻrinlari boʻyicha har chorakda talabalar oʻrtasida tanlovlar eʼlon qilib borish topshirilgan. Har bir tarmoq rahbari oʻz sohasidagi oliygohlar bilan tizimli ishlab, salohiyatli talabalarni tanlab borishi kerak boʻladi.
Yangiliklar lentasi
0