Iqtisod

Ona suti oʻrnini bosuvchi mahsulotlar reklamasi taʼqiqlanadi

© Sputnik / Vladimir Pesnya / Fotobankka oʻtishKormleniye mladentsa
Kormleniye mladentsa - Sputnik Oʻzbekiston, 1920, 07.03.2022
Obuna boʻlish
Yandex newsTelegram
Teleekranlarda davomiyligi 10 daqiqadan kam boʻlgan koʻrsatuvlarni reklama bilan uzib qoʻyishga yoʻl qoʻyilmaydi.
TOSHKENT, 7 mar – Sputnik. Oʻzbekistonda reklama sohasida talab va nazorat kuchaytiriladi. Bu haqida Senatda boʻlib oʻtgan “Reklama toʻgʻrisida”gi yangi qonun muhokamasida maʼlum boʻldi.
"Reklama toʻrisidagi" yangi tahrirdagi qonunda quyidagilar taʼqiqlanadi:
darsliklar va daftarlarda reklama joylashtirish,
reklama narxlarini xorijiy valyutada koʻrsatish, axloq va maʼnaviyatning umumqabul qilingan normalariga zid keluvchi shakl, ibora, va obrazlardan foydalanish,
tovarning asosiy xususiyatlari toʻgʻrisidagi maʼlumotlarni isteʼmolchidan yashirish;
tegishli mukofot fondisiz ragʻbatlantiruvchi reklama aktsiyalarini oʻtkazish;
telekanallar efirida tarqatilayotgan reklamaning umumiy davomiyligi koʻrsatuv vaqtining bir soati uchun 20 %dan, bir sutkada koʻrsatuv vaqtining 15% idan oshishi mumkin emas
davomiyligi oʻn daqiqadan kam boʻlgan telekoʻrsatuvlarni reklama bilan uzib qoʻyishga va reklama bilan birga namoyish etishga yoʻl qoʻyilmaydi;
ona sutining oʻrnini bosuvchi mahsulotlarni reklama qilish taqiqlanadi.
Majlisda xabar qilinishiga koʻra, amaldagi qonunchilik hujjatlarida xarakterli, ishlamaydigan normalar mavjud boʻlib, ular reklama faoliyati bilan bogʻliq munosabatlarni toʻliq qamrab olmaydi va koʻplab huquqbuzarliklar sodir etilishiga sabab boʻlmoqda.
Xususan, 2021 yilda reklama sohasida 15486 ta qonun buzarlik holati aniqlangan. Ularning aksariyati tashqi reklama sohasida - 10249 ta holat, eʼlonlarda – 3416ta, dori vositalari reklamasida – 658ta, tamaki va alkogol 499ta, bukmekerlik va tatalizator xizmatlari - 260 ta, madaniy meros obʼyektlari - 150 ta, xususiy taʼlim va tibbiyot muassasalari - 110 ta, ragʻbatlantiruvchi konkurs va aktsiyalarda - 103 ta holat qayd etildi.
Yangiliklar lentasi
0