Jamiyat

Oʻzbekistonda ilk bor murakkab jarrohlik amaliyoti oʻtkazildi

© Minzdrv UzbekistanaV Uzbekistane vpervыe proveli slojnuyu operatsiyu s oxlajdeniyem tela patsiyenta do 16 gradusov
V Uzbekistane vpervыe proveli slojnuyu operatsiyu s oxlajdeniyem tela patsiyenta do 16 gradusov - Sputnik Oʻzbekiston, 1920, 07.03.2022
Obuna boʻlish
Yandex newsTelegram
Oʻn ikki soat davom etgan ushbu jarrohlik amaliyoti davomida bemor tanasi 16 darajagacha sovutilib, soʻnggi avlod sunʼiy qon aylantirish uskunasidan foydalanildi. Avvallari bunday amaliyotlar faqat xorijda oʻtkazilgan.
TOSHKENT, 7 mar – Sputnik. Oʻzbekistonda ilk bor oʻta murakkab jarrohlik operatsiyasi oʻtkazildi, deb xabar qilmoqda SSV matbuot xizmati.
Operatsiya Rossiyaning Bakulev nomidagi yurak-qon tomir jarrohligi markazida tajriba orttirib qaytgan kardiojarroh, tibbiyot fanlari doktori, professor Rustam Yarbekov boshchiligida oʻtkazilgan.
— Operatsiyaning ogʻir oʻtishini avvaldan bilardik, — deydi Rustam Yarbekov. — Sababi ham aortaning koʻtariluvchi va tushuvchi qismi, ham ravogʻi hamda miya tomirlarini sunʼiy protezlash uchun uzoq vaqt talab etiladi. Qolaversa, mazkur amaliyotning noyobligi bemor tanasi 16 darajagacha sovutilib, tanadagi qon aylanishi 112 daqiqaga toʻxtatib qoʻyildi. Faqat braxiotsefal va uyqu arteriyasi orqaligina miya qon bilan taʼminlab turildi.
Aytish lozimki, bu kabi operatsiyalarni oʻtkazish uchun anesteziolog, reanimatolog, perfuziolog kabi malakali tibbiyot xodimlari bilan bir qatorda soʻnggi avlod sunʼiy qon aylanish uskunasi, gipoterm va miyada qon aylanishi va oksigenatsiyani koʻrsatuvchi zamonaviy tibbiy jihozlar talab qilinadi. Shu sababli ham avvallari bunday amaliyotlar faqat xorijda oʻtkazilgan.
Bemor - oʻrtachirchiqlik Toʻxtasin Dehqonov 66 yoshda. U uzoq yillar arterial gipertoniya kasalligi, yaʼni yuqori qon bosimidan jiddiy aziyat chekib kelgan. Ushbu yilning yanvar oyida koronavirusga chalinganidan soʻng, uning asorati xastalikning ogʻirlashuviga olib kelgan. Shifoxonalarga murojaat qilganida koʻpchilik “bu operatsiya murakkab boʻlgani uchun faqat Germaniya, Hindistonda katta mablagʻ evaziga qilinadi” deyishdi.
Keyin bilsak, yurtimizda ham bunday amaliyotni oʻtkazish uchun sharoit va malakali shifokorlar bor ekan. Hozir ahvolim ancha yaxshi. Shifokorlarning aytishicha, tez kunda yana sogʻlom hayotga qaytarkanman. Buning uchun ularga katta rahmat, - deydi bemor.
Maʼlumot uchun, Oʻzbekiston va Rossiya orasida shifkorlar tayyorlash boʻyicha bir qator kelishuvlar hamda maxsus dastur mavjud boʻlib, uning doirasida har yili oʻnlab shifokorlar Rossiyaning yetakchi tibbiy muassasalarida malaka oshirish imkoniga ega.
2019-2020 yillar davomida Rossiya Federatsiyasining yetakchi klinikalari va tibbiyot markazlari hamda oʻquv muassasalarida 300 ga yaqin oʻzbekistonlik mutaxassislar malakasini oshirdi.
Undan tashqari, Toshkent tibbiyot akademiyasi negizida I.M. Sechenov nomidagi Birinchi Moskva davlat tibbiyot universiteti bilan universitetlararo hamkorlik markazi ochilgan. Yaqin kelajakda Toshkentda N.I.Pirogov nomidagi Rossiya milliy ilmiy-tekshirish tibbiyot universitetining filialini tashkil etish toʻgʻrisida kelishuvga erishilgan.
Yangiliklar lentasi
0