Jamiyat

Taʼlim sohasida ikkita koʻkrak nishoni taʼsis etiladi - yangi qonun

© Sputnik / Said Tsarnayev / Fotobankka oʻtishUchitelnitsa sredney shkolы. Arxivnoye foto
Uchitelnitsa sredney shkolы. Arxivnoye foto - Sputnik Oʻzbekiston, 1920, 07.03.2022
Obuna boʻlish
Yandex newsTelegram
Oʻzbekistonda Oliy va Oʻrta maxsus taʼlim sohasi oʻqituvchilar uchun ikkita yangi koʻkrak nishoni taʼsis etildi.
TOSHKENT, 7 mar - Sputnik. Oʻzbekistonda Taʼlim sohasida ikkita koʻkrak nishonini taʼsis etiladi. Bu boʻyicha Oʻzbekiston Oliy va Oʻrta taʼlim vazirligi tomonidan ishlab chiqilgan qaror loyihasi eʼlon qilindi.
Unda aytilishiga koʻra “Oliy taʼlim sohasidagi xizmatlari uchun” hamda “Oʻrta maxsus va professional taʼlim sohasidagi xizmatlari uchun" koʻkrak nishonlari bilan taʼlim sohasiga munosib hissa qoʻshgan Oʻzbekiston va chet el fuqarolari hamda fuqaroligi boʻlmagan shaxslar ham mukofotlanadi.
Nomzodlarni tanlashda quyidagilar inobatga olinadi:
oliy taʼlim muassasalarining pedagog xodimlari faoliyatini oʻrganish mezonlarida qayd etilgan koʻrsatkichlar boʻyicha olingan yuqori baholar;
talabalar orasida ilm-fanga boʻlgan qiziqishni oshirish, “ustoz-shogird” anʼanalarini targʻib qilishdagi faol ishtiroki;
olib borayotgan ilmiy tadqiqotlari, ijodiy faoliyatlari va yaratayotgan oʻquv-uslubiy qoʻllanmalarida yangiliklarning koʻpligi tan olinganligi;
oʻz pedagogik faoliyatida turli innovatsion samarali usullarning ishlab chiqqanligi.
oʻzi faoliyat olib borayotgan oliy taʼlim muassasasida amalga oshirgan ishlari tufayli hamkasblari tomonidan chuqur hurmatga sazovorligi.
Koʻkrak nishoni har yili 1 oktyabr – Oʻqituvchi va murabbiylar kuni bayrami arafasida topshiriladi.Mukofotlangan shaxslarga bazaviy hisoblash miqdorining toʻrt baravari miqdorida bir yoʻla toʻlanadigan pul mukofoti ham beriladi.
Ushbu qarorning muhokamada boʻlish muddati 15 martga qadar.
Maʼlumot uchun bugungi kunga qadar Oʻzbekistonda oʻqituvchi va murabbiylar uchun "Xalq taʼlimi fidoyisi" "Oʻzbekiston Respublikasi xalq oʻqituvchisi", "Oʻzbekiston Respublikasida xizmat koʻrsatgan xalq taʼlimi xodimi" "Oʻzbekiston Respublikasida xizmat koʻrsatgan yoshlar murabbiysi" "Oʻzbekiston Respublikasida xizmat koʻrsatgan sport ustozi" kabi mukofotlar mavjud.
Yangiliklar lentasi
0