Video

Ayol kishining ishi: tezyurar poyezd mashinisti yordamchisi - video

Obuna boʻlish
Yandex newsTelegram
Yoshlikda uchuvchi boʻlishni orzu qilgan Dilbar Eshmetova, hozirgi kunda "Afrosiyob" tezyurar poyezdi mashinisti yordamchisi boʻlib ishlaydi.
Yaqin-yaqin vaqtlarga qadar Oʻzbekistonda poyezd mashinisti yordamchisi - faqat erkak kishining ishi hisoblanar edi. Lekin bir necha yil oldin ular orasida ayollar ham paydo boʻla boshladi. Ulardan biri — Dilbar Eshmetova.
"Afrosiab" tezyurar poyezdning ichida asosiy mashistlar bilan birga mashinist yordamchisi - ham ishlaydi. U Dilbar Eshmetova. Bugungi kunda Oʻzbekistonda ushbu kasbda toʻrt nafar ayol kishi ishlaydi.
"Yoshligimda uchuvchi boʻlishni orzu qilardim. Maktabni bitirib Toshkent temiryoʻl muxandisari institutiga oʻqishga kirdim. U yerda transport vositalarini, ekspluatatsiya qilish, transport qurilmalari va logistikani oʻrgandim.
Men mashinist yordamchisi boʻlaman deb oʻylamagan edim, lekin menga bu ishim yoqadi. Yordamchi sifatida men belgilangan suhbatlar (taʼminlash xizmatlari bilan) olib boraman, yoʻnalish boʻyicha svetoforlar, strelkalarni, kontakt simi, kesib oʻtish joylari, toʻsiqlar va tezlikni kuzatib boraman", - deydi Dilbar.
Mutaxassis aytishiga koʻra, ishga kirish oson boʻlmagan, nomzodlarni 200dan ortiq kishilar orasidan tanlab olishgan. Eng muhim talablardan biri bu - sogʻliq koʻrsatgichlari boʻlgan. Undan soʻng esa 6 oy davom etgan oʻqish, malaka oshirish boʻlib oʻtgan.
Ish kunim tong soat 3da boshlanadi. Xizmat mashinasi bizni vokzalga olib keladi. Bu yerda biz tibbiy koʻrikdan oʻtib, yoʻriqnomalar olamiz. Shundan soʻng mashinistlar bilan poyezdni texnik koʻrikdan oʻtkazamiz - kuzov, mashina boʻlimi, barcha tutash qismlar va elektron tizimlar.
Keyin bor jurnalida oldingi brigada yozib qoldirgan yozuvlarni koʻramiz. Reys davomida biror kamchilik boʻlgan boʻlsa biz bunga albatta eʼtibor qaratamiz. Agar hammasi yaxshi boʻlsa - yoʻlga chiqamiz.
Haligacha mashinistlar kabinasi ichida ayol kishini koʻrgan yoʻlovchilar hayratlanishadi, baʼzilar jilmayib, qoʻl silkitishadi.
- Ayrim temiryoʻlchilar mashinistlar orasida ayol kishi borligiga haliyam ishonishmaydi, - deydi Dilbar. Biz ayol mashinist yordamchilari eʼtiborliroq, mehribonroqmiz. Ayol boʻlganimiz uchun ham bizda yoʻlovchilar hayoti uchun javobgarlik hissi kuchliroq.
Dilbar Eshmetova ikki farzandning onasi. Ish faoliyatini muvaffaqiyatli olib borishda oilasi unga katta yordam beradi, qoʻllab-quvvatlab turadi.
Dilbar kelajakda Oʻzbekistonda yanada koʻproq ayol mashinist yordamchilari paydo boʻlishiga ishonadi.
Yangiliklar lentasi
0