Jamiyat

Alimentdan qarzdorlarga turmush qurish va vaqtincha mashina haydash taqiqlanishi mumkin

Ruki smartfon avtomobil - Sputnik Oʻzbekiston, 1920, 10.03.2022
Obuna boʻlish
Yandex newsTelegram
Prezident aliment boʻyicha qarzi borlarning mashina haydashi va turmush qurishi taqiqlashni nazarda tutuvchi qonun loyihasini ishlab chiqarishni topshirdi.
TOSHKENT, 10 mar — Sputnik. Shavkat Mirziyoyev imzolagan "Oila va xotin-qizlarni tizimli qoʻllab-quvvatlashga doir ishlarni yanada jadallashtirish chora-tadbirlari toʻgʻrisida"gi farmon bilan aliment boʻyicha qarzdorlikni undirishga oid yangi talablar joriy etilmoqda.
Hujjatga koʻra, Adliya vazirligi va Bosh prokuratura uch oy ichida aliment toʻlovlarini undirish tizimi samaradorligini oshirish yuzasidan yangi qonun loyihasini ishlab chiqishi kerak.
Unda quyidagilar nazarda tutiladi:
aliment boʻyicha qarzi borlar qarzni toʻliq qoplamagunicha transport vositasini boshqarishi vaqtincha cheklanadi;
qarzdorga litsenziya va ruxsat berish xususiyatiga ega boʻlgan davlat xizmatlarini vaqtincha koʻrsatilmaydi;
aliment boʻyicha qarzdorlik mavjudligi nikoh tuzish uchun monelik qiladigan holat sifatida belgilanadi.
Shuningdek, Majburiy ijro byurosi huzurida “Aliment toʻlovlari” davlat maqsadli jamgʻarmasi tashkil etilmoqda. Unga byuroning rivojlantirish jamgʻarmasi mablagʻlari hisobidan 50 milliard soʻm ajratiladi.
Agar fuqarodan sud qarori bilan aliment uch oy ichida undirilmasa, jamgʻarma qarzdorlikni bir yoʻla toʻlab beradi. Keyinchalik bu pullar qarzdordan sud qarorisiz majburiy tartibda undirib olinadi.
Maʼlumot oʻrnida, aliment majburiyatlarini bajarishdan boʻyin tovlab kelayotgan va qidiruvga eʼlon qilingan shaxslar toʻgʻrisidagi maʼlumotlar majburiy ijro organlarining rasmiy veb-saytlarida joylashtiriladi. Bundan tashqari, davlat ommaviy axborot vositalarida eʼlon qilish amaliyoti joriy etiladi.
Yangiliklar lentasi
0