Kuchli yomg‘ir yog‘ib, shamol kuchayishi kutilmoqda

© pixabay.com/Ri_YaDojd-kapli-dojdya-kapli-steklo
Dojd-kapli-dojdya-kapli-steklo - Sputnik O‘zbekiston, 1920, 10.03.2022
Obuna bo‘lish
O‘zgidromet 10-16 mart kunlari kutilayotgan ob-havo haqida shoshilinch axborot tarqatdi.
TOShKENT, 10 mar — Sputnik. 10-16 mart kunlari O‘zbekiston hududiga Erondan iliq va nam havo, so‘ngra Kavkaz hududlaridan nisbatan salqin havo massasi kirib kelishi kutilmoqda. Bu haqda O‘zgidromet xabar bermoqda.
11-16 mart kunlari respublika hududining katta qismida vaqti-vaqti bilan yomg‘ir yog‘adi, momaqaldiroq bo‘lishi mumkin.
11 mart kuni Buxoro, Navoiy, Toshkent, Samarqand, Jizzax, Sirdaryo, Qashqadaryo, Surxondaryo viloyatlarida ba’zi joylarda kuchli yomg‘ir yog‘adi.
12 mart kuni Buxoro, Navoiy, Toshkent, Samarqand, Jizzax, Sirdaryo, Qashqadaryo, Surxondaryo, Andijon, Namangan, Farg‘ona viloyatlarida ba’zi joylarda kuchli yomg‘ir yog‘adi.
13 mart kuniToshkent, Samarqand, Jizzax, Sirdaryo, Qashqadaryo, Surxondaryo, Andijon, Namangan, Farg‘ona viloyatlarida ba’zi joylarda kuchli yomg‘ir yog‘adi.
14 mart kuni Navoiy, Samarqand, Jizzax viloyatlarida ba’zi joylarda kuchli yomg‘ir yog‘adi.
15-16 mart kunlari Toshkent, Samarqand, Jizzax, Sirdaryo, Qashqadaryo, Surxondaryo, Andijon, Namangan, Farg‘ona viloyatlarida ba’zi joylarda kuchli yomg‘ir yog‘adi.
Respublikaning tog‘li hududlarida yog‘ingarchilik (yomg‘ir, qor), vaqti-vaqti bilan kuchli bo‘ladi.
10-16 mart kunlari respublikaning ayrim joylarida shamol kuchayishi kutilmoqda, jumladan:
10 mart va 13-16 mart kunlari Qoraqalpog‘iston Respublikasida, Xorazm viloyatida 17-22 m/s gacha;
11-12 mart va 15-16 mart kunlari Buxoro, Navoiy, Toshkent, Samarqand, Jizzax, Sirdaryo, Qashqadaryo, Surxondaryo viloyatlarida 17-22 m/s gacha, momaqaldiroq paytida 25-28 m/s gacha kuchayishi mumkin.
Biroz avval 11-15 mart kunlari kutilayotgan kuchli yomg‘irlar yog‘ishi sababli respublikaning tog‘oldi va tog‘li hududlarida sel kelish xavfi borligi xabar qilingan edi.
Yangiliklar lentasi
0