O‘zbekistonda tropik bulutlar va kuchli yomg‘ir oqibatlari– foto, video

© Uzb_MeteoTropicheskie oblaka v Uzbekistane 09.03.22
Tropicheskie oblaka v Uzbekistane 09.03.22 - Sputnik O‘zbekiston, 1920, 10.03.2022
Obuna bo‘lish
O‘zbekistonda 9mart kuni g‘ayrioddiy tabiat hodisasi - tropik bulutlar kuzatildi. Bulutlar bilan birga kuchli yomg‘ir, do‘l va kuchli shamol ham kuzatildi.
TOShKENT, 10 mar - Sputnik. Kecha 9-mart kuni Qashqadaryo viloyati hududida nam havoga o‘ta to‘yingan quyuq bulutlar kuzatildi. Odatda bunday bulutlar tropik mamlakatlarda uchraydi deb xabar qilmoqda Uzb_Meteo telegram kanali.
© Uzb_MeteoTropicheskie oblaka v Uzbekistane 09.03.22
Tropicheskie oblaka v Uzbekistane 09.03.22 - Sputnik O‘zbekiston, 1920, 10.03.2022
Tropicheskie oblaka v Uzbekistane 09.03.22
Ushbu bulutlardan so‘ng Qashqadaryo, Samarqand, Navoiy va Surxondaryo viloyatlarining ayrim hududlarida kuchli yomg‘ir yog‘ib o‘tdi. ayrim hududlarda esa do‘l yog‘di.
Telegram kanal mutaxassislari xulosasiga ko‘ra, bu kabi bulutlarning quyi chegarasi yer sirtiga juda yaqin joylashgan va yashin tushish xususiyatiga ega. Shu sababli fuqarolarga ochiq dalada bo‘lish, ochiq havoda uyali telefondan foydalanish tavsiya etilmaydi.
Afsuski, ushbu qalin bulutlar tufayli baxtsiz hodisa ham sodir bo‘ldi. Soat 11:45da Qashqadaryo viloyati Dehqonobod tumani “Otkamar” MFYda noqulay ob-havo sharoiti natijasida 3 nafar fuqaroni yashin urgan. Ulardan biri vafot etgan, ikki nafari jarohat olgan.
Kuchli yomg‘ir oqibatida ayrim shaharlar ko‘chalarini suv bosgan. Xususan ijtimoiy tarmoqlarda Toshkent va Andijonda suv bosgani aks etgan videolar tarqaldi.
Undan tashqari Andijonda kuchli shamol yangi qurilayotgan uyning tom qoplamasini uchirib ketgan.
Toshkentning Sergeli va Mirzo Ulug‘bek tumanlarida elektr ta’minotida uzilishlar bo‘lgani aytilmoqda.
O‘zgidromet meteorologik stansiyalari ma’lumotiga ko‘ra, eng ko‘p yog‘in Navoiy viloyati Nurota kuzatuv satnsiyasida qayd etilgan. Chorak sutkada stansiya yomg‘ir o‘lchagich asbobiga 28 mm yog‘in tushdi. Undan tashqari, kunduz kuni 08:00 dan 20:00 gacha Buxoro viloyati Qorako‘lida 23 mm, Qarshi shahrida 9 mm, Toshkent shahrida 8 mm, Andijon shahrida esa 7 mm yog‘in yog‘gan.
Bugun yomg‘irli havo hamda shamol respublikaning shimoliy hududlari tomon harakatlanmoqda. Xususan Qoraqalpog‘iston va Xorazm viloyati hududlarida, tushdan so‘ng Buxoro va Navoiy viloyati ayrim hududlarida yog‘ingarchilik kutiladi.
Harorat ko‘tarila boshlaydi. Ayrim hududlarda(yuqori ehtimol Buxoro va Qashqadaryo viloyatlari) kuchli shamollar bo‘lishi mumkin.
Yangiliklar lentasi
0