Jamiyat

Saudiya Arabistoniga safar qiladigan ziyoratchilarga yengillik berildi

© AP Photo / Amr NabilPalomniki v aeroportu Djeddы, Saudovskaya Araviya
Palomniki v aeroportu Djeddы, Saudovskaya Araviya - Sputnik Oʻzbekiston, 1920, 10.03.2022
Obuna boʻlish
Yandex newsTelegram
Saudiya Arabistoniga safar qiladigan ziyoratchilar uchun PZR-test maʼlumotini taqdim etish tartibi bekor qilindi.
TOSHKENT, 10 mar — Sputnik. Saudiya Arabistoni podshohligi Aviatsiya boshqarmasi "GACA" mamlakatga keluvchi yoʻlovchilar uchun COVID-19 bilan bogʻliq baʼzi cheklovlarga oʻzgartirish kiritdi. Bu haqda Din ishlari boʻyicha qoʻmita xabar qildi.
Unga koʻra, endi koronavirus mavjud emasligi toʻgʻrisidagi manfiy natijaga ega boʻlgan QR-kodli PZR-test maʼlumotini Saudiya Arabistoniga kirishda taqdim etish tartibi bekor qilinadi.
Umra-2022 mavsumida mamlakatga safar qilayotgan ziyoratchilar uchun safardan oldin olinadigan PZR-test maʼlumotini taqdim etish talab etilmaydi.
Umra dasturida safar qiluvchi ziyoratchilar koronavirusga qarshi quyidagi vaktsinalardan biri bilan emlangan boʻlishi talab etiladi: Pfizer/BioNTech; Oxford-AstraZeneca; Moderna; Johnson & Johnson.
Umra-2022: oʻzbekistonliklar uchun safar narxi qancha
Eslatib oʻtamiz, oʻzbekistonlik ziyoratchilar ikki yillik tanaffusdan soʻng 22 yanvardan Umraga yana safar qilishni boshlashgan edi. 10 fevraldan Umra safari uchun reyslar har kuni 2 martadan amalga oshirilmoqda.
Yangiliklar lentasi
0