Onkologiya - Sputnik Oʻzbekiston, 1920, 21.01.2022
Bu qiziq
Ushbu ruknimizda ilm-fan, inson sogʻligi, foydali va zararli oziq-ovqatlar, parhez taomlar, shifokorlar maslahati va boshqa barcha uchun qiziqarli maʼlumotlar bor.

Qaysi dori koʻpincha allergiyaga sabab boʻladi - shifokor javobi

© Unsplash / Volodymyr HryshchenkoMujchina derjit lekarstvo
Mujchina derjit lekarstvo - Sputnik Oʻzbekiston, 1920, 11.03.2022
Obuna boʻlish
Yandex newsTelegram
Koʻpincha bakteriyalarga qarshi dorilar, masalan, penitsillin yoki aminoglikozid guruhlari preparatlari allergiya qoʻzgʻatadi - shifokor.
TOSHKENT, 11 mar - Sputnik. Qaysi preparatlar odatda allergiya chaqiradi va nima uchun buni oldindan bilib boʻlmaydi? Shifokor allergolog va immunolog Anna Maksimova Sputnik radiosiga bu borada tavsiyalari bilan oʻrtoqlashdi.
“Allergiya, yaʼni immunitet tizimining maʼlum moddalarga noodatiy reaktsiyasi turli xil bezovta qiluvchi xususiyati bor moddalardan kelib chiqishi mumkin: oziq-ovqat, kosmetika, chang, hayvon junlari, oʻsimlik changgi, dori-darmonlar. U yoki bu dorining nomaqbul reaktsiyaga olib kelishini oldindan aytish qiyin”,- deydi tibbiyot fanlari nomzodi, allergolog-immunolog Anna Maksimova.
“Dori allergiyasi bilan bogʻliq asosiy qiyinchilik tashxisda, chunki bu dori har qanday nojoʻya taʼsirlarni keltirib chiqarishi haqida mutlaq ishonch bilan taʼkidlangan, aniq dalillarga asoslangan usullar yoʻq",- deydi mutaxassis.
Shifokorning taʼkidlashicha, ambulatoriya sharoitida qoʻllaniladigan anʼanaviy testlar faqat oʻtkir, hayot uchun xavfli boʻlgan allergik reaktsiyalarning oldini oladi.
Mutaxassisning soʻzlariga koʻra, dorilar qoʻzgʻatgan reaktsiyalar terida toshmalar paydo boʻlishi bilan namoyon boʻladi.
“Koʻpincha dori vositalariga allergik taʼsirchanlik reaktsiyalarning toʻrtinchi turi, yaʼni hayot uchun xavfli boʻlmagan, biroq sifatini sezilarli darajada pasayishiga olib keladigan kechikuvchi turdagi oʻta sezgirlik bilan rivojlanadi. Bular toshmalarning barcha turlarini keltirib chiqarishi mumkin. Bundan tashqari, reaktsiya darhol paydo boʻlmasligi yoki dorini isteʼmol qilish muddati tugagandan soʻng paydo boʻlishi mumkin”, - deydi Anna Maksimova.
Shuningdek, shifokor odatda allergiya qoʻzgʻatadigan preparatlar turlarini maʼlum qildi.
“Koʻpincha bakteriyalarga qarshi dorilar, masalan, penitsillin yoki aminoglikozid guruhlari preparatlari allergiya qoʻzgʻatadi. Aspirin, ibuprofen kabi steroid boʻlmagan yalligʻlanishga qarshi dorilar ham nomaqbul taʼsirlar keltirib chiqarishi mumkin. Odatda tish shifokorlari koʻp ishlatadigan mahalliy ishlab chiqarilgan anestezikalar oʻtkir allergik reaktsiyalarni keltirib chiqarishi etimoli bor. Ammo mahalliy anestezikaga nisbatan, yuqori sezuvchanlikni aniqlash uchun ambulatoriya testlaridan oʻtish mumkin. Viruslarga qarshi preparatlar tarkibida, faol moddaga qoʻshimcha ravishda, makkajoʻxori yoki kartoshka kraxmali, oziq-ovqat boʻyoqlari kabi qoʻshimchalar boʻladi. Va ushbu qoʻshimchalar allaqachon allergiya mavjud boʻlgan insonlarda nomaqbul taʼsirlarni keltirib chiqarishi mumkin”, — deydi mutaxassis.
Shifokor turli dorilarni xarid qilishdan oldin yoʻriqnomani diqqat bilan oʻqib chiqishni va agar nomaqbul taʼsirlar kuzatilsa, mutaxassisga murojaat qilishni tavsiya qildi.
Yangiliklar lentasi
0