Jamiyat

Xorijdagi malakali oʻzbek yoshlari yuqori lavozimlarga tayinlanadi

© Press-slujba prezidenta UzbekistanaMolodej Uzbekistana
Molodej Uzbekistana - Sputnik Oʻzbekiston, 1920, 11.03.2022
Obuna boʻlish
Yandex newsTelegram
Xorijdagi nufuzli OTMda oʻqiyotgan, yetakchi kompaniyalarda ishlayotgan oʻzbekistonlik yoshlar mamlakatning vazirlik, idora va tashkilotlarida ishlashlari mumkin.
TOSHKENT, 11 mar - Sputnik. Endilikda xorijdagi oʻzbekistonlik yoshlar oʻz yurtidagi vazirlik va idoralarga ishga jalb qilinadi. Bu boʻyicha 101-sonli hukumat qarori qabul qilindi.
2022 yil iyundan xorijdagi nufuzli OTMda oʻqiyotgan, yetakchi kompaniyalarda ishlayotgan oʻzbekistonlik yoshlar mamlakatning vazirlik, idora va tashkilotlarida ishlashlari mumkin boʻladi.
Oʻzbekiston yosh mutahassislarni xizmat turar joylari bilan taʼminlaydi. Ular kamida 2 yil ishlasa, uy-joy uchun ipoteka kreditining dastlabki badali va foizlarning bir qismini qoplashga subsidiya beriladi.
2022 yil 1 iyungacha “Yosh vatandoshlar reyestri” elektron tizimi ishga tushiriladi. Ushbu tizim xorijdagi vatandosh olimlar, ekspertlar va tadqiqotchilar ochiq roʻyxatdan oʻtadigan platformaga integratsiya qilinadi.
Har yili 1 martgacha davlat organlari va tashkilotlari tizimidagi malakali yosh mutaxassislar va yosh vatandoshlarni kelgusida yuqori lavozimga tayinlash boʻyicha asoslangan takliflarni Yoshlar ishlari agentligiga beradi.
Agentlik esa 1 aprelgacha takliflarni oʻrganib Prezident Administratsiyasiga tavsiya kiritadi.
Maʼlumot oʻrnida, oʻtgan yili xorijda yashayotgan yurtdoshlarni tarixiy Vatani atrofida jipslashtirish, ularning qalbi va ongida yurt bilan faxrlanish tuygʻusini yuksaltirish maqsadida "Vatandoshlar" jamoat fondi tashkil etilgan edi.
Yangiliklar lentasi
0