Siyosat

Kamilov Afgʻonistonga iqtisodiyotini tiklashga yordam berishga chaqirdi

© Press-slujba MID UzbekistanaAbdulaziz Kamilov na diplomaticheskom forume v Turtsii
Abdulaziz Kamilov na diplomaticheskom forume v Turtsii - Sputnik Oʻzbekiston, 1920, 13.03.2022
Obuna boʻlish
Yandex newsTelegram
Tashqi ishlar vaziri Antaliya shahrida boʻlib oʻtayotgan II Diplomatik forum doirasida soʻzga chiqdi.
TOSHKENT, 13 mar — Sputnik. Oʻzbekiston tashqi ishlar vaziri Abdulaziz Kamilov xalqaro hamjamiyatni Afgʻonistonga iqtisodiyotini tiklashga yordam berishga chaqirdi, deb xabar qilmoqda TIV matbuot xizmati.
Kamilov Antaliya shahrida boʻlib oʻtayotgan II Diplomatik forum doirasidagi “Afgʻoniston: yangi voqeliklarga qanday munosabatda boʻlish kerak?” panel sessiyasida soʻzga chiqdi. Vazir qoʻshni Afgʻonistonda uzoq muddatli va barqaror tinchlik oʻrnatish, afgʻon xalqiga insonparvarlik yordami koʻrsatish, gumanitar inqirozning oldini olish maqsadida u yerdagi yirik infratuzilma loyihalari amalga oshirish borasidagi mamlakat saʼy-harakatlari haqida forum ishtirokchilariga maʼlumot berdi.
“Xalqaro hamjamiyatning Afgʻonistonni iqtisodiy tiklash, mintaqaviy integratsiya jarayonlariga jalb qilish boʻyicha faol choralar koʻrishi zarurligi taʼkidlandi”, - deyilgan xabarda.
Forum doirasidagi “Yangi Osiyo: barqaror mintaqaviy oʻsish uchun” mavzusida davra suhbatida Abdulaziz Kamilov asosiy ustuvor yoʻnalishi Markaziy Osiyo etib belgilangan Oʻzbekiston tashqi siyosatining asosiy yoʻnalishlari va erishilgan natijalari toʻgʻrisida maʼlumot berdi.
“Muvaqqat hukumat oʻz vaʼdalarini bajarishi shart”: Kamilov “Tolibon”*ni tan olish haqida
Oʻzbekiston ham Markaziy Osiyo davlatlari, ham Markaziy va Janubiy Osiyo oʻrtasida oʻzaro aloqalarni oʻrnatishdan manfaatdor ekani haqida maʼlum qilindi.
10-13 mart kunlari Turkiyaning Antaliya shahrida II Diplomatik forum boʻlib oʻtmoqda. Oʻzbekiston TIV rahbari Qatar, Slovakiya va Qirgʻizistondan boʻlgan hamkasblari bilan muzokaralar oʻtkazdi.
Yangiliklar lentasi
0