Turizm

Moʻynoqda elektron musiqa “Stixiya” festivali oʻtkaziladi

© Ministerstvo turizma i sportaFestival "Stixiya" v Muynake
Festival Stixiya v Muynake - Sputnik Oʻzbekiston, 1920, 13.03.2022
Obuna boʻlish
Yandex newsTelegram
Bu yilgi festival uchun uchta alohida-alohida sahna yaratiladi: elektron, progressiv va etnik.
TOSHKENT, 13 mar — Sputnik. 2022 yil 6-8 may kunlari Moʻynoqdagi kemalar qabristonida “Stixiya” elektron musiqa, sanʼat va fan festivali boʻlib oʻtadi. Bu haqda Turizm va madaniy meros vazirligi xabar bermoqda.
Loyiha 2017 yilda Moʻynoq shahrida Orol dengizining ekologik halokatidan xabardorlikni oshirish va mintaqaning barqaror rivojlanishiga koʻmaklashish, shuningdek, Oʻzbekistonda yashovchi xalqlarni butun dunyoga tanitish maqsadida ishlab chiqilgan.

Bugungi kunda “Stixiya” butun dunyodan musiqachilar, DJ᾽lar, prodyuserlar, rassomlar va olimlar ishtirokidagi bir nechta loyihalarning aralashmasiga aylangan. Ularning barchasini yer yuzidagi oʻziga xos maskanda diqqatga sazovor joy yaratish maqsadi birlashtiradi.
Taʼkidlanishicha, bu yilgi festival uchun uchta alohida-alohida sahna yaratiladi: elektron, progressiv va etnik. Unda Oʻzbekiston, Turkiya, Rossiya, Germaniya, Gruziya, Hindiston, Eron, Qozogʻiston, Qirgʻiziston, Niderlandiya, Ukraina, Frantsiya, Shvetsiya va Yaponiyadan 30 ga yaqin mashhur DJ᾽lar ishtirok etishi kutilmoqda.

Festival oʻzida “Stixiya gen loyihalari”, “Forum StixiyaN+11”, “6 milliard daraxt” va turli ijtimoiy tashabbuslarni qamrab oladi.
Yangiliklar lentasi
0