Jamiyat

Oʻzbekiston va Turkiya kovidga qarshi emlanganlik toʻgʻrisidagi sertifikatni oʻzaro tan oladi

© Sputnik / Ramiz BaxtiyarovVaktsinatsiya v Tashkente
Vaktsinatsiya v Tashkente - Sputnik Oʻzbekiston, 1920, 13.03.2022
Obuna boʻlish
Yandex newsTelegram
Ikki mamlakat vakolatli organlar tomonidan berilgan COVID-19’ga qarshi emlanganlikni tasdiqlovchi rasmiy sertifikatlarni oʻzaro tan oladi.
TOSHKENT, 13 mar — Sputnik. Oʻzbekiston va Turkiya COVID-19’ga qarshi emlanganlik toʻgʻrisidagi sertifikatlarni oʻzaro tan olish boʻyicha kelishuvga erishdi. Bu haqda Sanitariya-epidemiologiya xizmati xabar berdi.
Hujjatlar 15 martdan tan olinadi.
“Tomonlar vakolatli organlar tomonidan berilgan COVID-19’ga qarshi emlanganlikni tasdiqlovchi rasmiy sertifikatlarni oʻzaro tan oladi”, – deyilgan xabarda.
Sertifikat egasining davlatlarning hududiga toʻsiqsiz kirishi kafolatlanadi. Milliy darajada yoki JSST tomonidan tasdiqlangan vaktsinalar bilan toʻliq emlangan ikki mamlakatdan sayyohlar, agar vaktsina tegishli vakolatli organlar tomonidan tasdiqlangan boʻlsa, oʻz mamlakatlariga kirishda ushbu qoidalardan foydalanadi.
Avvalroq Tojikiston 15 martdan Oʻzbekistonda berilgan koronavirusga qarshi emlanganlik toʻgʻrisidagi sertifikatlarni rasman tan olishini maʼlum qilgan edi.
Soʻnggi maʼlumotlarga koʻra, Oʻzbekistonda jami 46,9 million dozadan ortiq kovidga qarshi vaktsinadan foydalanilgan. Emlanishi kerak boʻlgan aholining 92,1 foizi vaktsinaning birinchi dozasini olishga ulgurgan, 73,6 foizi esa toʻliq emlanib boʻlgan. Aholi ZF-UZ-VAC 2001, “Sputnik V”, “Sputnik Layt”, “AstraZeneca”, “Moderna”, “Pfizer/BioNTech”, “CoronaVac” vaktsinalari bilan emlanmoqda.
Yangiliklar lentasi
0