Jamiyat

"Super-kontrakt" tizimda korruptsiyaning yangi turi aniqlandi

© Depositphotos / TatiantmarieNatsionalnaya valyuta - uzbekskiy sum
Natsionalnaya valyuta - uzbekskiy sum  - Sputnik Oʻzbekiston, 1920, 15.03.2022
Obuna boʻlish
Yandex newsTelegram
Korruptsiyani oldini olish uchun oʻylab topilgan "Super-kontrakt" tizimining ichida ham korruptsiya topilgani deputatni hayratga soldi.
TOSHKENT, 14 mar — Sputnik. "Super-kontrakt" tizimi boʻyicha oʻqishga kirgan 117 nafar talabaning kontrakt puli notoʻgʻri hisoblanishi oqibatida byudjetga 9,6 mlrd soʻm kam pul toʻlangan. Bu haqida Oliy Majlis deputati Doniyor Gʻaniyev xabar bermoqda.
“Hisob palatasi tomonidan oliy taʼlim muassalariga koʻshimcha tabaqalashtirilgan toʻlov-kontrakt asosida (xalq tilida "super-kontrakt") oʻqishga qabul qilingan talabalarning xujjatlari oʻrganilganda, 10 ta oliy taʼlim muassasasida 117 nafar talabani (bu faqat aniqlangani, aniqlanmagani qancha xudo biladi) Davlat test markazi maʼlumotnomasidagi ballarini soxtalashtirish orqali ularni "super-kontrakt" summalarining miqdori jami 9,6 mlrd. soʻmga kam hisoblangan”, deydi deputat.
Uning soʻzlariga koʻra, Toshkent tibbiyot akademiyasida 2020-2021 oʻquv yilida fuqaro F.B. kirish imtihonida aslida atiga 56,6 ball olgan boʻlsada, uning toʻplagan bali 132,7 ball etib koʻrsatilgan. Undan 279,4 mln. oʻrniga 139,7 mln. soʻm toʻlov-kontrak puli (139,7 mln.soʻm kam) olingan.
Deputatning fikricha “oddiy qilib aytganda, oliy taʼlim muassasalariga kirishda aynan korruptsiyani oldini olish maqsadida joriy qilingan "super-kontrakt" tizimining oʻzida ham korruptsiya holatlari aniqlangan. Yani, korruptsiyaga qarshi kurashish orqali ham "soqqa" qilish yoʻlini oʻylab topishgan. Qoyil qolmay iloji yoʻq”.
Hisobotda keltirilishicha, kelgusida bunday holatlar takrorlanishini oldini olish maqsadida, 2021-2022 oʻquv yilidan boshlab super–kontrakt asosida oʻqimoqchi boʻlganlar uchun onlayn platforma yaratilgan. Bunda arizalar avtomatik tarzda qabul qilinadi va artnomalar summasi inson omilining aralashuvisiz hisoblanadi.
Undan tashqari deputat, oʻtgan yil byudjet mablagʻlari hisobidan 338 mlrd. soʻmlik noqonuniy xarajat va oʻzlashtirishlar, davlat xaridlari jarayonida esa 971,1 mlrd. soʻmlik manfaatlar toʻqnashuviga yoʻl qoʻyilgan 763 ta holat aniqlanganini maʼlum qildi.
Yangiliklar lentasi
0