Turizm

Turizm sohasi uchun ajratilgan pullar nimaga sarflanishi maʼlum boʻldi

Samarkand - Sputnik Oʻzbekiston, 1920, 15.03.2022
Obuna boʻlish
Yandex newsTelegram
Bu yil turizm va madaniy meros obʼyektlari infratuzilmasini rivojlantirishga 262,8 mlrd soʻm ajratiladi.
TOSHKENT, 15 mar — Sputnik. Madaniy meros obʼyektlari, muzeylar va turizm sohasidagi taʼlim muassasalari yanada obodonlashtiriladi. Bu boʻyicha Vazirlar Mahkamasining 110-sonli qarori qabul qilindi. Norma.uz xabariga asosan.
Ushbu hujjat bilan 2022 yilda turizm va madaniy meros obʼyektlari infratuzilmasini rivojlantirish boʻyicha loyihalar roʻyxati tasdiqlandi.
Unga koʻra turizm obʼyektlarining muhandislik-kommunikatsiya tarmoqlarini yaxshilash, madaniy meros obʼyektlarini restavratsiya, konservatsiya qilish va obodonlashtirish hamda madaniy-koʻngilochar infratuzilmalarni rivojlantirishga 61 ta loyiha yoʻnaltirilgan. Ushbu maqsadlar uchun 262,8 mlrd soʻm ajratiladi.
Turizm xizmatlari sohasiga – 29,4 mlrd soʻm.
“Shahrisabz tarixiy markazi” butunjahon madaniy meros obʼyektining dastlabki regeneratsiya ishlari amalga oshiriladi.
“Ichan qalʼa” hamda “Buxoro tarixiy markazi” butunjahon madaniy merosi joylashgan Xiva va Buxoro shaharlarining boshqaruv rejasi ishlab chiqariladi.
A373, M39, A380, M37 Xalqaro avtomobil yoʻllari boʻyida milliy karvonsaroylar uslubidagi 4 turdagi namunaviy loyihalar ishlab chiqiladi.
“Qoʻqon-Turkiy dunyo turizm poytaxti” maqomini olgani munosabati bilan Qoʻqon shahrining infrotuzilmasi zamonaviy shaklga keltiriladi.
Madaniy meros obʼyektlari – 117,3 mlrd soʻm.
“Shoxi-zinda”, “Bibi-Xonim”, “Registon”, “Amur Temur” majmualari, “Saroy Mulk Xonim”, “Xoʻja Doniyor” kabi maqbaralar shuningdek, masjid va madrasalar obodonlashtiriladi.
Muzeylar – 43 mlrd soʻm.
Muzey qoʻriqxonalari va alohida koʻchmas mulk madaniy meros obʼyektlari, Xorazm viloyati Urganch shahridagi Oʻzbekiston zamonaviy sanʼat muzeyi faoliyati yaxshilanadi.
“Muqimiy” nomidagi Oʻzbekiston davlat musiqali teatrining loyiha- smeta hujjatlari ishlab chiqiladi.
Turizm sohasidagi taʼlim muassasalarini – 73,1 mlrd soʻm.
Samarqand shahrida “SHHT turizm va madaniy meʼros taʼlim bogʻi barpo etiladi.
Samarqand shahrida joylashgan bir nechta madaniy meros obʼyektlari negizida “Ipak yoʻli” sanʼat galereyasi, “Art rezidentsiya”, “Ipak yoʻli instituti” tashkillashtiriladi.
Qayd etilishicha, ikki oy muddatda yangidan boshlanadigan loyihalar boʻyicha tasdiqlangan loyihaoldi va loyiha hujjatlari asosida tender hujjatlari ekspertizadan oʻtkaziladi. Xarid qilish tartib-taomillari yakunlangandan soʻng, tender gʻoliblari bilan pudrat shartnomalar tuziladi.
Yangiliklar lentasi
0