Jamiyat

Toshkentda haydovchilik guvohnomasini olishdagi korruptsiya butunlay tugatildi – Allamjonov

© Press-slujba AIMKKomil Allamjonov - rukovoditel Agentstva informatsii i massovыx kommunikatsiy pri Administratsii Prezidenta Respubliki Uzbekistan
Komil Allamjonov - rukovoditel Agentstva informatsii i massovыx kommunikatsiy pri Administratsii Prezidenta Respubliki Uzbekistan - Sputnik Oʻzbekiston, 1920, 17.03.2022
Obuna boʻlish
Yandex newsTelegram
Allamjonov haydovchilik guvohnomasini olib berishni vaʼda qilayotgan firibgarlardan ogohlantirdi.
TOSHKENT, 17 mar — Sputnik. Milliy mass-mediani qoʻllab-quvvatlash va rivojlantirish jamoat fondi Vasiylik kengashi raisi Komil Allamjonov Yagona imtihon markazi imtihonlarida korruptsiya butunlay tugatilganini maʼlum qilib, fuqarolarni firibgarlardan ogohlantirdi.
Allamjonovning soʻzlariga koʻra, imtihon markazining nazariy imtihonlaridan oʻtolmagan bir fuqaroni firibgar aldab ketgan. Firibgar haydovchilik guvohnomasini olib berishda oʻz xizmatlarini taklif qilib, fuqaroni 200 ming soʻmga chuv tushirgan.

“Jabrdiyda boʻlib qolmang. Undan koʻra oʻqing, bilim oling, avtomaktabingizda nazariy va amaliy bilimlaringizni mustahkamlang. Tushuning, bugun bizning imtihon tizimida korruptsiyaga chek qoʻyildi, degan gaplarimiz bekorga emas”, - deydi u.

3 fevral kuni Toshkentda haydovchilik guvohnomasini olish uchun imtihon topshirish boʻyicha Toshkent imtihon markazi ish boshladi. U yerda haydovchilik guvohnomasini olishga nomzodlar nazariy va amaliy test sinovlaridan iborat avtomatlashtirilgan imtihondan oʻtishlari mumkin. Uning afzalliklaridan biri shundaki, fuqarolar bilimini baholashda inson omili ishtirok etmaydi, butun jarayon avtomatlashtirilgan va shaffof.
Maʼlumotlarga koʻra, 2022 yilning 4 fevralidan to 14 martiga qadar markazga avtomaktablarni tugatgan 2406 nafar odam kelgan. Shundan 347 nafarigina imtihonlardan oʻta oldi. Qolgan 2059 nafar fuqaro yiqilgan.

Mavzuga oid:

“Yoʻl bezoriligi”ga chek qoʻyiladi - ichki ishlar vaziri
Mast holda mashina haydaganlarni 5 yilga haydovchilik huquqidan mahrum qilishlari mumkin
Prezident “prava”ni oʻqitmasdan berganlik uchun jazoni kuchaytirishni topshirdi
Yangiliklar lentasi
0