Jamiyat

Talabalar “obxodnoy list”ni onlayn toʻldirishi mumkin

© Unsplash / John SchnobrichStudentы vo vremya obucheniya
Studentы vo vremya obucheniya - Sputnik Oʻzbekiston, 1920, 18.03.2022
Obuna boʻlish
Yandex newsTelegram
Talabalar bundan buyon aylanma varaqalarni “HEMIS” axborot tizimi orqali toʻldirishi mumkin boʻladi.
TOSHKENT, 18 mar — Sputnik. Taʼlim muassasalarini tugatganda yoki oʻqishni boshqasiga koʻchirganda toʻldiriladigan aylanma varaqa amaliyoti bekor qilindi. Bu haqida Oliy va oʻrta maxsus taʼlim vazirligi xabar bermoqda.
Aylanma varaqa (“obxodnoy list”) raqamlashtirildi va endilikda u “HEMIS” axborot tizimi orqali amalga oshiriladi.
Jarayonni onlayn bajarish mumkin:
1.Talaba oʻz profili orqali elektron aylanma varaqasini olish uchun soʻrov joʻnatadi.
2.Oliy taʼlim muassasasidagi buxgalteriya va kadrlar boʻlimi, fakultet dekanati, axborot resurs markazi hamda yotoqxona masʼullari talabaning elektron aylanma varaqasini shakllantiradi.
3.Talaba oʻz profili orqali aylanma varaqa va unga kiritilgan izohlar bilan tanishish imkoniyatiga ega boʻladi.
Yana bir qulaylik
“HEMIS” axborot tizimi “Oʻzbekiston temir yoʻllari” AJning chipta.railway.uz platformasi bilan integratsiya qilindi.
Onlayn chipta rasmiylashtirish jarayonida ushbu platformaga kiritilgan talabalargina “Men talabaman” tugmasini bosish orqali chegirmali chiptani rasmiylashtirishi mumkin.
Maʼlumot oʻrnida “HEMIS” axborot tizimi oliy taʼlim muassasalarining asosiy faoliyatlarini avtomatlashtirish hisobiga maʼmuriy xodimlar, professor-oʻqituvchilar va talabalarga elektron taʼlim xizmatlarini taqdim etadi.
Yangiliklar lentasi
0