Jamiyat

Oʻzbekistonda shakar narxi pasaydi

© Sputnik / Pavel Lisitsыn / Fotobankka oʻtishSaxar
Saxar - Sputnik Oʻzbekiston, 1920, 19.03.2022
Obuna boʻlish
Yandex newsTelegram
Birja savdolariga jami 2 100 tonna shakar qoʻyilgan boʻlib, ulardan barcha hajmi sotildi.
TOSHKENT, 19 mar — Sputnik. Oʻzbekiston respublika tovar-xom ashyo birjasida oʻtkazilgan ochiq birja savdolari natijalariga koʻra shakarning barcha kategoriyasi boʻyicha shakllangan oʻrtacha kunlik narxi avvalgi savdo kuniga nisbatan mahsulotning bir tonnasi uchun 15%ga pasaygan. Bu haqda “OʻzRTXB” AJ axborot xizmati xabar qildi.
Shakar boʻyicha oʻtkazilgan birja savdolarida ishtirok etgan xaridorlarning soni 267 taga yetdi va bu 17 martga nisbatan 32% ga, 1 martga nisbatan uch marotabaga koʻpaydi.
OʻzRTXB” AJ axborot xizmatining xabar qilishicha, oʻtgan savdo kunida birja savdolariga jami 2 100 tonna shakar qoʻyilgan boʻlib, ulardan barcha hajmi sotilgan. Bunda, birja savdolari orqali "Xorazm shakar" MCHJ tomonidan 1 200 tonna va "Angren shakar" MCHJ tomonidan 900 tonna shakar sotildi.
Shakarning xarid qilishda talab darajasidan kelib chiqqan holda, hududlar oʻrtasida mutanosib taqsimot shakllanmoqda. Nisbatan yetakchilik qilgan hududlarga Toshkent shahri va Toshkent viloyati (30%), Samarqand viloyati (12%), Qashqadaryo va Xorazm viloyatlari (10% dan), Andijon va Buxoro viloyatlari (8% dan) kirdi.
Antimonopoliya qoʻmitasi tomonidan shakarni birja savdolariga kunlik 2 000 tonnadan kam boʻlmagan miqdorda barchaga teng sharoitda 1 tonnalik lotlarda qoʻyilishini hamda bir savdo sessiyasida bir xaridor maksimal 20 tonna shakar sotib olishi koʻrsatmasi berilgan.
Yangiliklar lentasi
0