Jamiyat

Toʻrt yuzdan ortiq bogʻcha va maktab quriladi

© MNONovaya shkola otkrыlas v Sergeliyskom rayone Tashkenta - foto
Novaya shkola otkrыlas v Sergeliyskom rayone Tashkenta - foto - Sputnik Oʻzbekiston, 1920, 19.03.2022
Obuna boʻlish
Yandex newsTelegram
2022 yilda 143 ta bogʻcha, 265 ta maktab, 137 ta sogʻliqni saqlash muassasasi quriladi.
TOSHKENT, 19 mar — Sputnik. “2022–2026 yillarda “Obod qishloq” va “Obod mahalla” dasturlarini amalga oshirish chora-tadbirlari toʻgʻrisida”gi prezident qarori qabul qilindi
Qarorga koʻra, 2022–2026 yillarda “Obod qishloq” va “Obod mahalla” dasturlari doirasida qurilish, taʼmirlash hamda obodonlashtirish ishlari amalga oshiriladigan qishloq va mahallalar soni boʻyicha maqsadli parametrlar tasdiqlandi.
Shunga koʻra, belgilangan yillarda respublikadagi jami 2 043 qishloq va mahallalarda (jumladan, 2022 yilda 413 tasida) qurilish, taʼmirlash, obodonlashtirish ishlari amalga oshiriladi.
Dasturlar doirasida belgilangan yillarda jami 4 057 ta ijtimoiy soha obʼyektlarini, jumladan, 2022 yilda:
143 ta bogʻcha;
265 ta maktab;
137 ta sogʻliqni saqlash muassasasini qurish, rekonstruktsiya qilish va taʼmirlash rejalashtirilgan.
Shuningdek:
27 722,5 km ichki yoʻllar (2022 yilda – 5 113,2 km), 18 574,8 km ichimlik suv tizimlari(2022 yilda – 3 881,7 km tarmoq, 432 ta inshoot) yaxshilanadi;
jami 5 962 ta fuqarolarning oʻzini oʻzi boshqarish organlari komplekslari, bozorlar (jumladan, 2022 yilda 253 ta mahalla binosi va guzar, 894 ta bozor) quriladi hamda taʼmirlanadi;
5 284,2 km optik tolali aloqa tarmoqlari (2022 yilda – 1 327,1 km) quriladi;
78 ta yangi avtobus yoʻnalishlari (2022 yilda 16 ta) tashkil etiladi.
Ichki yoʻllarni taʼmirlash uchun 2 trillion soʻm, ichimlik suv taʼminotini yaxshilash uchun 1 trillion soʻm, ijtimoiy soha va boshqa obʼyektlarni qurish (taʼmirlash) va obodonlashtirishga 1,4 trillion soʻm mablagʻ ajratiladi.
Qarorga koʻra, 2023 yildan:
qishloq va mahallalardagi mavjud ishlab chiqarish hamda ijtimoiy infratuzilma obʼyektlarining haqiqiy holati tasdiqlangan mezonlar asosida baholanib boriladi;
baholash natijalariga koʻra eng past koʻrsatkich qayd etgan va oʻtgan davr mobaynida Dasturlarga kiritilmagan qishloq va mahallalar Dasturlarga birinchi navbatda kiritiladi.
Yangiliklar lentasi
0