Siyosat

Oʻzbekiston va Rossiya prezidentlari bir-birini qutladilar

© Press-slujba prezidenta UzbekistanaShavkat Mirziyoyev i Vladimir Putin
Shavkat Mirziyoyev i Vladimir Putin - Sputnik Oʻzbekiston, 1920, 20.03.2022
Obuna boʻlish
Yandex newsTelegram
Bugun, 20 mart kuni, Oʻzbekiston va Rossiya oʻrtasida diplomatik munosabatlar oʻrnatilganiga 30 yil toʻldi.
TOSHKENT, 20 mar — Sputnik. Oʻzbekiston prezidenti Shavkat Mirziyoyev va Rossiya prezidenti Vladimir Putin diplomatik munosabatlar oʻrnatilganining 30 yilligi munosabati bilan bir-biriga tabrik yoʻlladi.
Mirziyoyevning tabrigida yozilishicha, keyingi yillarda birgalikdagi saʼy-harakatlar bilan Oʻzbekiston-Rossiya hamkorligini misli koʻrilmagan yuksak strategik sheriklik va ittifoqchilik darajasiga olib chiqishga erishilgan. Ikki mamlakat xalqlari oʻrtasidagi doʻstlik rishtalari yanada mustahkamlangan.
Oʻzbekiston va Rossiya tashqi ishlar vazirlari oʻzaro tabrik almashishdi
Oʻzaro savdo rekord koʻrsatkichlarga yetgan. Keng koʻlamli sanoat kooperatsiyasi loyihalari amalga oshirilmoqda. Gumanitar hamkorlik rivojlanmoqda, sogʻliqni saqlash, fan, madaniyat, sanʼat va taʼlim sohalaridagi aloqalar kengaymoqda.
“Biz Oʻzbekiston va Rossiya oʻrtasidagi doʻstlik va koʻp qirrali sheriklik munosabatlarini mamlakatlarimiz va xalqlarimiz manfaatlari yoʻlida bundan buyon ham izchil rivojlantirish va mustahkamlash niyatidamiz. Sizga mustahkam sogʻlik va davlatchilik faoliyatingizga yangi muvaffaqiyatlar, doʻst Rossiya xalqiga esa farovonlik va ravnaq tilayman”, - deyiladi Oʻzbekiston rahbari maktubida.
Putin oʻz tabrigida oʻtgan oʻn yilliklar mobaynida Rossiya va Oʻzbekiston tomonidan barcha yoʻnalishlarda sermahsul hamkorlik boʻyicha katta tajriba toʻplanganini qayd etgan. MDH, SHHT va boshqa koʻp tomonlama tuzilmalar doirasida konstruktiv sheriklik, mintaqaviy xavfsizlikka tahdid va xavf-xatarlarga qarshi kurashishda saʼy-harakatlarni muvofiqlashtirish yoʻlga qoʻyildi.
“Rossiya-Oʻzbekiston strategik sherikligi va ittifoqchiligini bundan buyon ham har tomonlama mustahkamlashimizga ishonaman. Bu, hech shubhasiz, doʻst xalqlarimizning manfaatlariga javob beradi, Markaziy Osiyoda tinchlik va barqarorlikni taʼminlash maqsadlariga mosdir”, - deyilgan Rossiya yetakchisi tabrigida.
Rossiya rahbari Shavkat Mirziyoyevga mustahkam sogʻlik va muvaffaqiyatlar, Oʻzbekistonning barcha fuqarolariga esa farovonlik va ravnaq tilab qolgan.
Rossiya va Oʻzbekiston oʻtgan davrda mobaynida qanday yutuqlarlarga erishgani haqidagi maʼlumotlar bilan quyidagi Sputnik infografikasida tanishishingiz mumkin.
Yangiliklar lentasi
0