Jamiyat

Umra ziyoratini tashkil etish qisman sayyohlik firmalariga berilishi mumkin

© AP Photo / SAUDI TVPalomniki molyatsya vo vremya xadja
Palomniki molyatsya vo vremya xadja - Sputnik Oʻzbekiston, 1920, 20.03.2022
Obuna boʻlish
Yandex newsTelegram
Ramazon oyida Umra ziyoratini yuqori saviyada tashkil etish boʻyicha hamkor shirkat masʼullari bilan oʻzaro muloqot olib borilmoqda.
TOSHKENT, 20 mar — Sputnik. Oʻzbekistonda Umra safarini sayyohlik firmalari orqali ham qisman tashkil etish masalasi koʻrib chiqilyapti. Bu haqda Musulmonlar idorasi matbuot xizmati xabar bermoqda.

“Yurtdoshlarimizning Umra ziyoratiga boʻlgan talab va istaklariniinobatga olib, Umra safarini sayyohlik firmalari orqali ham qisman tashkil etish masalasi koʻrib chiqilayotganini maʼlum qilamiz”, - deyilgan xabarda.

Maʼlum qilinishicha, 20 mart kuni Umra-2020 mavsumida safar xarajatlarini toʻliq toʻlagan, lekin pandemiya sababli ziyoratga bora olmagan fuqarolarning oxirgi guruhlari Saudiya Arabistoniga joʻnab ketadi.
Shu bilan COVID-19 pandemiyasi sababli ziyoratga bora olmay qolgan 23 ming oʻzbekistonlikni Umra safariga yuborish ishlari toʻliq yakunlanadi.
Hozir Ramazon va Shavvol oylarida Umra safarini amalga oshirish bilan bogʻliq tashkiliy va amaliy ishlar jadal surʼatda olib borilmoqda.
Xabarda yozilishicha, Arabistonda mehmonxona va boshqa turdagi xizmatga talab oshishi Ramazon oyida tashkil etiladigan Umra tadbirlarining narxi koʻtarilishiga taʼsir koʻrsatadi.
“Shundan kelib chiqib, Oʻzbekiston musulmonlari idorasi tomonidan hamkor shirkat vakillari bilan Ramazon oyida tashkil etiladigan Umra ziyorati yuzasidan muzokaralar olib borildi va belgilanadigan narx boʻyicha oʻzaro kelishuvga erishildi”, - deyilgan xabarda.
Taʼkidlanishicha, Ramazon oyida xizmat koʻrsatish narxlari oshayotgan boʻlsada, Shavvol oyida (Ramazon oyidan keyin) Umra mavsumining oxirigacha ziyoratchilarning safar xarajatlari uchun amaldagi mavjud qiymat saqlab qolinadi.
Eslatib oʻtamiz, joriy yil yanvar oyida 2020 yil toʻlov qilib, qolib ketgan ziyoratchilar qoʻshimcha 4,7 million soʻm toʻlov qilishlariga toʻgʻri kelgan edi. Bu pandemiya Umra xizmatlari koʻrsatishga salbiy taʼsir koʻrsatgani bilan izohlangan edi. Ishlab chiqarish va xizmat koʻrsatishda ikki yil avvalgi holatga nisbatan narx-navo koʻtarilgan. Boz ustiga Saudiya Arabistonida 15 foiz qoʻshimcha qiymat soligʻi ham joriy etilgan.

Mavzuga oid:

Saudiya Arabistoniga safar qiladigan ziyoratchilarga yengillik berildi
Umra reyslari har kuni 2 marta amalga oshiriladi
Umra-2022: oʻzbekistonliklar uchun ziyorat qachon boshlanadi va uning narxi qancha
Yangiliklar lentasi
0