Onkologiya - Sputnik Oʻzbekiston, 1920, 21.01.2022
Bu qiziq
Ushbu ruknimizda ilm-fan, inson sogʻligi, foydali va zararli oziq-ovqatlar, parhez taomlar, shifokorlar maslahati va boshqa barcha uchun qiziqarli maʼlumotlar bor.

Smayliklar ruhiy siringizni ochib qoʻyishi mumkin – olimlar

© Sputnik / Valeriy Melnikov / Fotobankka oʻtishUchastniki prazdnovaniya Vsemirnogo dnya Emodji v Tsentralnom parke kulturы i otdыxa imeni M. Gorkogo
Uchastniki prazdnovaniya Vsemirnogo dnya Emodji v Tsentralnom parke kulturы i otdыxa imeni M. Gorkogo - Sputnik Oʻzbekiston, 1920, 22.03.2022
Obuna boʻlish
Yandex newsTelegram
Onlay yozishmalarda tez-tez smaylik yoki rasmlardan foydalanish aslida nimadan darak beradi – ruhshunos olimlar xulosasi bilan Sputnik maqolasida tanishing.
Isroillik olimlar oʻzaro yozishmalarda smaylik va turli rasmlardan foydalanish inson haqidagi tasavvurni qanday oʻzgartirishini aniqlashdi. "Populyarnaya Mexanika" junaliga asosan.

Izlanishlar natijasiga koʻra, yozishmalarda tez-tez smaylik yoki rasmdan foydalanish – boshqalar oldida soʻzlaring taʼsir kuchini kamaytiradi hamda kishi nufuzini tushiradi.

Turli rasm va belgilardan foydalanish - odamlar tomonidan ochiqlikka intilish, norasmiy munosabatlar va doʻstlashishga tayyor turishni anglatadi. Har doim doʻst va hamkor izlash esa, odatda, jamiyatda obroʻyi kam boʻlgan kishilarga xosdir...
Olimlar xulosasiga koʻra, emodzi va “gif” suratlar odamlarni yaqinlashtirishga, soʻzlar esa masofa saqlashga xizmat qiladi. Yaʼni jamiyatga taʼsiri kam boʻlgan kishilar unga taʼsiri kuchliroq boʻlganlar bilan yaqinlashishni istaydi. Nufuzli kishilar esa aksincha, boshqalardan masofada turishni xohlaydi. Ushbu tushunchaga asosan, muloqotda tez-tez surʼatlardan foydalanayotgan kishining suhbatdosh oldida nufuzi tushadi.
Isroillik olimlar tajribasida ishtirok etgan kishilar oʻz suhbatdoshlarini quyidagi koʻrsatgichlar boʻyicha baholashgan:
Ustunlik qilishga intilish istagi bormi?
Kuch va nazorat qilish imkoniga egami?
Xushmuomala va ishonchga loyiqmi?
Yoqimtoy, aqlli va zukkomi?
Tanqid qilishi mumkinmi?
Izlanish natijasiga koʻra, yozishmani faqat soʻzlar yordamida olib borgan kishi, smaylik va suratlardan foydalanganga nisbatan, kuchli va obroʻyli insondek tuyuladi. Lekin kishi oʻz suhbatdoshining unga yaqinlashish yoki uzoqlashish istagi borligini oldindan bilsa, soʻz yoki smayliklarning ahamiyati yoʻq.
Yangiliklar lentasi
0