Iqtisod

Shakarning birjadagi narxi yana pasaydi

© Pixabay / jakob5200Rafinad, arxivnoye foto
Rafinad, arxivnoye foto - Sputnik Oʻzbekiston, 1920, 24.03.2022
Obuna boʻlish
Yandex newsTelegram
Soʻnggi ikki kun ichida shakarning birjadagi narxi qariyb 30 foizga arzonlashdi.
TOSHKENT, 24 mar — Sputnik. Bugun Respublika tovar-xom ashyo birjasining ochiq birja savdolari natijalariga koʻra, shakarning barcha kategoriyasi boʻyicha shakllangan oʻrtacha kunlik narxi avvalgi savdo kuniga nisbatan 14 foizga pasaydi. Bu haqida “OʻzRTXB” AJ axborot xizmati xabar bermoqda.
Qayd etilishicha, shakarning bir tonnasi uchun narxi 10 101,3 ming soʻmdan 8 735,8 ming soʻmgacha pasaydi. Soʻnggi ikki savdo kunlarida shakarning birjadagi narxi qariyb 30 foizga arzonlashgan.
“Shakarning birjadagi narxining pasayishiga bozor vositalarini qoʻllanilishi, jumladan birjaning shakar segmentida taklif darajasini oshirilishi hisobiga erishilgan” deyiladi xabarda.
24 mart kuni birja savdolariga jami 3 200 tonna shakar qoʻyilgan. Ulardan 2874 tonnasi (90 foiz) sotildi. Bunda, birja savdolari orqali "Xorazm shakar" MCHJ tomonidan 1 600 tonna va "Angren shakar" MCHJ tomonidan 1 274 tonna shakar sotildi.
Eslatib oʻtamiz, 19 mart kuni ushbu mahsulotning bir tonnasi uchun narx 15%ga pasaygan edi. Oʻshanda birja savdolariga qoʻyilgan 2 100 tonna shakarning barcha hajmi sotilgan.
Yangiliklar lentasi
0