Dunyoda

Turkiya aholisining 90 foizi NATOga ishonmaydi

© AP Photo / Burhan OzbiliciTuretskiy voyennыy podnimayet gosudarstvennыy flag
Turetskiy voyennыy podnimayet gosudarstvennыy flag - Sputnik Oʻzbekiston, 1920, 24.03.2022
Obuna boʻlish
Yandex newsTelegram
Turkiya aholisi AQShga ham NATOga ham ishonmaydi. Ustiga ustak AQSH Turkiyada terrorchi deb tan olingan partiyalarga yordam berishda va davlat toʻntarishga uringan Gyulenni himoya qilishda davom etmoqda.
TOSHKENT, 24 mar - Sputnik. Areda Survey tadqiqot kompaniyasi maʼlumotlariga koʻra, Turkiya aholisining 90,8 foizi Shimoliy alyans himoyasiga umid qilmaslik kerak, deb hisoblaydi.
Soʻrov 26-28 fevral kunlari oʻtkazildi. Unda mamlakatimizning turli hududlarida 2 ming kishi ishtirok etdi. Oʻtgan yilning iyun oyidagi soʻrov bilan solishtirganda, harbiy blokka ishonch darajasi 12,5 foizga kamaydi.
Maltepe universitetining siyosatshunoslik va xalqaro aloqalar kafedrasi professori Hasan Unal Sputnik muxbiriga bergan intervyusida soʻrov natijalariga shunday izoh berdi:
Turk jamoatchiligi xulosasida NATO va AQSH - siyosiy jihatdan amalda bir narsaga aylandi. Aksariyat fuqarolar esa - Amerikaga qarshi kayfiyatda. Chunki AQSH Turkiyada terrorchi deb tanilgan Qurdlar ishchi partiyasi va Demokratik ittifoq partiyalarini ochiqchasiga qoʻllab-quvvatlab kelmoqda.
Sovuq urush tugaganidan beri Turkiya va Vashington oʻrtasida juda koʻp kelishmovchiliklar yuzaga kelgan, jumladan, Kipr masalalari va armanlar genotsidini tan olish boʻyicha.
Turkiya va Alyansning boshqa aʼzosi oʻrtasida ziddiyat yuzaga kelgan taqdirda NATO qaysi tomonni egallashi nomaʼlumligicha qolmoqda. Masalan, Gretsiya bilan. Professor Unalning ishonchi komilki, bu holatda Gʻarb Rossiyaga qarshi sanktsiyalarga oʻxshash sanktsiyalar bilan Anqaraga ham hujum qiladi.
️ Va nihoyat, Turkiya koʻp qutbli dunyoda oʻzini xavfsizroq his qilmoqda.
Eslatib oʻtamiz, Turkiyada 2016 yilning iyul oyida davlat toʻntarishga urinish sodir boʻlgan edi. Oʻshanda muxolifatchi Fatxulla Gyulenning bir necha minglab tarafdorlari amaldagi hukumatga qarshi chiqqan, Turkiya prezidenti Toyib Erdoʻgʻon yashirinishga majbur boʻlgan edi. Qoʻzgʻolon bir amallab bostirilganidan soʻng, Turkiya davlat boshqaruv oganlari, armiya va kuch ishlatar tizimlar ichiga kirib olgan Gyulen tarafdorlaridan bir necha ming kishini hibsga olgan edi. Shundan soʻng Erdoʻgʻon, Fatxulla Gyulenni terrorchilikda ayblab, AQShda uni Turkiyaga berishni talab qildi. AQSH bunga "dalillar yetishmasligini" roʻkach qilib rad javobini bergan edi.
Yangiliklar lentasi
0