Sport

“Navruz Cup 2022” xalqaro oʻrtoqlik turniri boshlandi

© FOTO PixabayJenskiy futbol, arxivnoye foto
Jenskiy futbol, arxivnoye foto - Sputnik Oʻzbekiston, 1920, 25.03.2022
Obuna boʻlish
Yandex newsTelegram
Markaziy Osiyo va Uganda jamoalari orasida “Navruz Cup 2022” xalqaro oʻrtoqlik futbol turniri musobaqalari boshlandi.
TOSHKENT, 25 mar - Sputnik. Bugun Namanganda “Navruz Cup 2022” xalqaro oʻrtoqlik turniri oʻtkaziladi.
Unda Qirgʻiziston, Oʻzbekiston, Uganda va Tojikiston terma jamoalari oʻynaydi. Oʻzbekiston Futbol Assotsiatsiyasi Matbuot xizmati Sputnik Oʻzbekiston muxbiriga xabar berishicha, ob-xavo bilan bogʻliq vaziyat tufayli xalqaro turnir uchrashuvlari vaqtiga biroz oʻzgartirish kiritilgan.
“Turnir doirasidagi ilk oʻyin soat 15:30 da Uganda va Tojikiston oʻrtasida boʻlib oʻtadi. Bahsni Rustam Lutfullin boshchiligidagi hakamlar jamoasi boshqarib boradi. Oʻzbekiston — Qirgʻiz Respublikasi uchrashuv esa 19:00 da oʻtkaziladi. Uda bosh hakamlik Nasrullo Kabirovga ishonib topshirildi”, deb xabar bermoqda matbuot xizmati.
Ushbu turnir bevosita yarim final baxslaridan boshlanadi. Uchrashuv gʻoliblari final bosqichda kubok uchun kurash olib boradi.
“29 mart kuni 19:00 da final uchrashuv boʻlib oʻtadi. Oʻyindan soʻng gʻoliblarni taqdirlash marosimi oʻtkaziladi. Bunday turnirlarni doimiy oʻtkazib borish rejalashtirilgan”, deya qoʻshimcha qildi matbuot xizmati.
Oʻzbekiston milliy terma jamoasi toʻliq koʻk rangda maydonga tushadi. Aytilishicha, Namangandagi “Markaziy” stadion 22 ming tomoshabinni sigʻdira oladi. Tomoshabinlar chiptalarni joyiga qarab, 50 000 va 30 000 soʻmdan sotib olishgan. Ular bitta chipta uchun Uganda - Tojikiston hamda Oʻzbekiston - Qirgʻiziston terma jamoalari oʻrtasidagi uchrashuvlarni bevosita tomosha qilishlari mumkin.
Maʼlum qilinishicha, Qirgʻiziston bilan Oʻzbekiston terma jamoasi shu kunga qadar 8 marotaba toʻqnash kelgan. Ularning barchasida Oʻzbekiston futbolchilari gʻalaba qozongan. Tojikiston bilan esa hozirgacha 9 marotaba oʻyin boʻlib oʻtgan, ularda turli natijalar qayd etilgan.
Yangiliklar lentasi
0