Iqtisod

Oʻzbekiston Markaziy Osiyodagi bogʻlovchi IT xabga aylanishi mumkin - Shermatov

© Ministerstvo IKTMinistr IKT Sherzod Shermatov
Ministr IKT Sherzod Shermatov - Sputnik Oʻzbekiston, 1920, 25.03.2022
Obuna boʻlish
Yandex newsTelegram
Oʻzbekiston 2030 yilga kelib bir million dasturchi tayyorlash rejasini bosqichma-bosqich amalga oshirmoqda.
TOSHKENT, 25 mar - Sputnik. Oʻzbekiston Markaziy Osiyodagi bogʻlovchi IT xabga aylanishi mumkin, dedi Toshkentda boʻlib oʻtayotgan Investitsion forum doirasida soʻzga chiqqan AKT vaziri Sherzod Shermatov.
Vazir aytishiga koʻra, bugungi kunda IT-Park 500 dan ortiq rezidentlarga ega, ularning 15 foizi yirik global va mahalliy kompaniyalardir. 2025 yilga kelib yirik va oʻrta IT-kompaniyalarni faol jalb qilgan holda rezidentlar sonini ming nafarga yetkazish rejalashtirilgan.
Shermatov aytishiga koʻra, IT-kompaniyalarni Oʻzbekistonga jalb qilishda ular uchun yaratilgan imtiyozlar ham hissa qoʻshmoqda. Xususan, bugungi kunda Oʻzbekistonda mahalliy va xorijiy IT-kompaniyalar uchun quyidagi imtiyozlar yaratilgan:
IT-Park rezidentlari hisoblangan kompaniyalar 2028 yilgacha barcha korporativ soliqlardan ozod qilingan;
IT-kompaniyalar eksport faoliyatini amalga oshirishda Oʻzbekiston fuqarosi boʻlmagan xodimlar bilan xorijiy valyutada hisob-kitob qilish imkoniyatiga ega;
IT-kompaniyalar ofis va jihozlar, kamida 6 oylik ijara haqi, kommunal xizmatlar, internetga ulanish xarajatlari koʻrinishida investitsiyalar bilan taʼminlanishi mumkin;
Undan tashqari Oʻzbekiston axborot texnologiyalari sohasidagi taʼlimga katta eʼtibor qartilmoqda.
“Bugungi kunda yoshlarni AKT sohasiga keng jalb etishga jiddiy eʼtibor qaratilmoqda. 2000-yillarda Oʻzbekistonda yuzga yaqin IT -mutaxassis boʻlgan boʻlsa, bugungi kunda bu koʻrsatkich 50 mingga yetdi. 2030 yilga borib ularning sonini bir million kishiga yetkazish boʻyicha keng koʻlamli vazifa qoʻyildi”, deydi vazir.
Soha rivojiga koʻra, IT-mahsulotlar eksport hajmi ham oshib bormoqda. 2020 yilda - $16 mln., 2021 yilda - $46 mln., 2022 yilda - $100 mln. boʻlishi, 2028 yil oxirigacha esa - $1 mlrd.ga yetishi kutilmoqda.
Yangiliklar lentasi
0