Iqtisod

Turizm bu ish oʻrinlari degani - ekspert

Turistы v Samarkande - Sputnik Oʻzbekiston, 1920, 25.03.2022
Obuna boʻlish
Yandex newsTelegram
Ekspertlarning baholashicha, turistik xizmatlar uchun toʻgʻridan-toʻgʻri sarflangan har bir dollar turdosh sohalarda taxminan qoʻshimcha uch dollarni keltiradi.
TOSHKENT, 25 mar - Sputnik. Toshkentda boʻlib oʻtayotgan Xalqaro Investitsion forum doirasida sayyohlik sektoriga investitsiyalarni jalb qilish istiqbollari ham muhokama qilindi.
— Turizm nafaqat daromad keltiradi, balki odamlarni ish bilan taʼminlaydi. Bu sohaga ayollarni jalb qilish muhim. Asosiy maqsad – byurokratik cheklovlarni olib tashlash, dedi Boeing mintaqaviy direktori Mario Yebsim.
— Agar odamlar sayohat qilmasa, mehmonxonalar ahmiyatini, odamlar esa ish joylarini yoʻqotadi. Shaxsan men Oʻzbekistonda turizm transformatsiyasini kuzatib, barcha oʻzgarishlarni ijobiy baholayman. Bu yerda turizmning rivojlanishi uchun hamma narsa bor, shuning uchun 2022-2023 yillarda biz Buxoroda mehmonxona ochishni rejalashtirmoqdamiz, — aytib oʻtdi "Hyatt" mintaqaviy vitse-prezidenti Punit Tandon.
— Valyuta bilan bogʻliq cheklovlar olib tashlanganidan soʻng turizm dinamik rivojlanish yoʻliga oʻtdi. Qoʻshnilar bilan munosabatlarning yaxshilanishi – juda katta va foydali ish. Bundan tashqari, sizda Oʻzbekistonni boshqa mamlakatlar bilan birlashtiruvchi koʻplab avialiniyalar bor va bu investorlarda qiziqish uygʻotadi.
Maʼlumki, Oʻzbekistonda 8 mingdan ortiq madaniy meros obʼyektlari hamda YUNESKO butunjahon merosi obʼyektlari roʻyxatiga kiritilgan toʻrtta shahar-muzey bor. Bular respublikaning ulkan sayyohlik-rekreatsion potentsialini tashkil qiladi.
Shuningdek, Oʻzbekistonda 90 mamlakat fuqarolari uchun vizasiz kirish tartibi oʻrnatilgan. 2014-2019 yillarda Oʻzbekistonga keluvchi sayyohlar soni 1,9 milliondan 6,9 millionga yetgan edi.
Yangiliklar lentasi
0