Dunyoda

Turkiya Rossiyaga qarshi sanktsiyalarga qoʻshilmaydi - Erdogʻan

© REUTERS / Presidential Press OfficePrezident Turtsii Redjep Tayip Erdogan
Prezident Turtsii Redjep Tayip Erdogan - Sputnik Oʻzbekiston, 1920, 25.03.2022
Obuna boʻlish
Yandex newsTelegram
Turkiya oʻz fuqarolari hamda oʻz tadbirkorlari manfaatlarini oʻylab Rossiyaga qarshi sanktsiyalarga qoʻshila olmaydi.
TOSHKENT, 25 mar - Sputnik. Turkiya BMT doirasida Rossiyaga qarshi sanktsiyalarga qoʻshilmaydi. Bu Turkiya manfaatlariga zid, dedi Erdogʻan.
"Turkiya BMTning maʼlum yoʻnalishlarini sanktsiyalar nuqtai nazaridan baholaydi, lekin Rossiya bilan munosabatlarni chetga surib qoʻya olmaydi. Chunki bugungi kunda faqat tabiiy gazni nazarda tutadigan boʻlsak, biz isteʼmol qiladigan gazning yarmiga yaqinini Rossiyadan olamiz. Bundan tashqari, bugun biz Rossiya bilan birga “Akkuyu” atom elektr stantsiyasini qurmoqdamiz. Biz buni chetga surib qoʻya olmaymiz.
Buni Makronga aytganimda, u: "Siz haqsiz" deb javob berdi. Bu masalada aql bilan ish tutishimiz kerak. Birinchidan, men fuqarolarimning muzlab qolishiga yoʻl qoʻya olmayman (Rossiya gazisiz). Ikkinchidan, men sanoatimizni batamom yuklanib qolishiga yoʻl qoʻya olmayman", - dedi Turkiya yetakchisi.
Eslatib oʻtamiz Ukrainada maxsus operatsiya boshlanganidan soʻng AQSH va Yevropa davlatlari Rossiyaga qarshi keskin sanktsiyalar kiritishni boshladi. Undan tashqari AQSH dunyoning barcha davlatlarini ushbu sanktsiyalarni qoʻllab-quvvatlashga undadi, baʼzilarga hatto bosim oʻtkazishga urinishlar boʻldi. Lekin Rossiyaning anʼanaviy hamkorlari MDH davlatlari, Serbiya, Venesuela, Kuba, Braziliya, Xitoy, Hindiston, Suriya va yana bir necha mamlakatlar ushbu sanktsiyalarga qoʻshilmadi.
Yangiliklar lentasi
0