Jamiyat

Bolalar nafaqasi tayinlashda kimdan rasmiy daromad talab etilmaydi

© Sputnik / Sergey Guneyev / Fotobankka oʻtishPerinatalnыy tsentr
Perinatalnыy tsentr - Sputnik Oʻzbekiston, 1920, 26.03.2022
Obuna boʻlish
Yandex newsTelegram
Bugungi kunda reyestrda 16 ta vazirlik va idoralarning axborot tizimlaridan 49 turdagi maʼlumotlar elektron ravishda kiritilgan.
TOSHKENT, 25 mar - Sputnik. Kam taʼminlangan oilalarga bolalar nafaqasi tayindash avtomatik ravishda amalga oshiriladi. Bu haqida AOKAda Byudjetdan tashqari pensiya jamgʻarmasi boshqarma boshligʻi Zayniddin Aralov maʼlum qildi.
Moddiy yordam tayinlash yoki rad etish “Ijtimoiy himoya yagona reyestri”dagi maʼlumotlar asosida avtomatlashtirilgan tarzda amalga oshiriladi. Nafaqani tayinlash yoki rad etish qarori haqida arizachiga SMS xabar orqali maʼlum qilinadi.
Quyidagi toifadagi fuqarolarga nafaqalar tayinlashda rasmiy daromad talab etilmaydi.
“Yagona milliy mehnat tizimi” idoralararo dasturiy-apparat kompleksida hisobda turgan shaxslarga;
bola uch yoshga toʻlguniga qadar parvarish qililayotgan onalarga (ularning oʻrnini bosuvchi shaxslarga);
taʼlim muassasalarida oʻqiyotganlarga (taʼlimning kechki va sirtqi shakllari bundan mustasno);
ishlamaydigan pensionerlarga, davlat pensiyasi tayinlash uchun zarur ish stajiga ega boʻlmagan shaxslarga va mehnatga layoqatsizlik yuzasidan nafaqa oluvchi fuqarolarga, OIV infektsiyasiga chalingan shaxslarga, I yoki II guruh va bolalikdan nogironligi boʻlgan 18 yoshgacha shaxslarga;
amalda tomorqa yer va/yoki dehqon xoʻjaligini yuritish bilan band boʻlgan oila aʼzolariga;
18 yoshgacha bolalikdan nogironligi boʻlgan, shu jumladan OIV infektsiyasiga chalingan shaxslarning onalariga (onasi boʻlmagan holda otasiga), oila aʼzosi hisoblangan I guruh nogironligi boʻlgan shaxsni yoki oʻzgalar parvarishiga muhtoj boʻlgan 80 yoshga toʻlgan keksalarni parvarish qilayotganlarga;
chet elda ishlaydigan yoki chet elda tadbirkorlik va boshqa faoliyatni amalga oshiruvchi oila aʼzolariga;
sudning qonuniy kuchga kirgan hukmi boʻyicha jazoni ijro etish muassasalarida boʻlganligi munosabati bilan oilada boʻlmagan aʼzolariga;
oilaning chaqiriq boʻyicha harbiy xizmatni oʻtayotgan aʼzolariga;
bolasini yolgʻiz tarbiyalayotgan yolgʻiz onalar (otalar)ga hamda nikohi bekor qilingan ayollarga;
rasmiy daromad manbalariga ega boʻlmagan va oxirgi bir yil mobaynida "Temir daftar" roʻyxatida boʻlgan oilalarga;
toʻrt va undan ortiq oʻn sakkiz yoshga toʻlmagan farzandi mavjud boʻlgan oilaning mehnatga layoqatli har bir aʼzosiga nisbatan rasmiy daromad talab etilmaslik imtiyozi berilgan.
Shuningdek, “Ijtimoiy himoya yagona reyestri” axborot tizimi orqali kam taʼminlangan deb eʼtirof etilgan oilaga qonunchilik hujjatlarida belgilangan xizmatlardan foydalanish va imtiyozlarni olish uchun Yagona interaktiv davlat xizmatlari portali orqali maʼlumotnoma taqdim etiladi.
Yangiliklar lentasi
0