Iqtisod

Samarqand aeroporti 1 apreldan toʻliq ishga tushadi

© Press-slujba prezidenta UzbekistanaShavkat Mirziyoyev posetil mejdunarodnыy aeroport Samarkanda
Shavkat Mirziyoyev posetil mejdunarodnыy aeroport Samarkanda - Sputnik Oʻzbekiston, 1920, 26.03.2022
Obuna boʻlish
Yandex newsTelegram
Samarqand aeroporti muntazam reyslar sonini haftasiga 40 tadan 120 tagacha, samolyotlar toʻxtash joylari sonini 24 taga yetkazdi.
TOSHKENT, 26 mar - Sputnik. Qayta rekonstruktsiya qilingan Samarqand aeroporti 1 apreldan toʻliq ishga tushadi. Aynan shu kundan boshlab havo bandargohi xalqaro reyslarni qabul qila boshlaydi, deb xabar qildi “Oʻzbekiston aeroportlari” boshqaruvi raisi Raʼno Joʻrayeva Toshkentda boʻlib oʻtayotgan Investitsion forum doirasida.
© AOKARaʼno Joʻrayeva
Raʼno Joʻrayeva - Sputnik Oʻzbekiston, 1920, 26.03.2022
Raʼno Joʻrayeva

"Bu 2019 yilda amalga oshirila boshlangan ulkan loyiha. Eng choʻqqisi 2021 yilga toʻgʻri keldi. Eng qiyini, aeroport faoliyatini toʻxtatmay turib, aerodrom va aerovokzal qurish edi. Parvozlar taxminan bir oyga toʻxtatildi. Umuman olganda, loyiha qiymati 150 million dollarga yaqin. Biz uni 18 mart kuni ochdik”, - dedi Joʻrayeva.

Endi esa toʻliq aeroport majmuasi foydalanishga topshirilmoqda, bu yerda bojxona va chegara nazorati, yoʻlovchi va bagajni roʻyxatdan oʻtkazish boʻyicha yangi yechimlar orqali oʻtish qobiliyatini oshirish imkonini beruvchi yangi xizmat koʻrsatish texnologiyasi joriy etilgan. Birinchi apreldan yangi terminal toʻliq quvvatda ishlaydi va xalqaro reyslarga xizmat koʻrsatadi.
Eslatib oʻtamiz, yangi terminal muntazam reyslar sonini haftasiga 40 tadan 120 tagacha, perronning modernizatsiyasi esa samolyotlar toʻxtash joylari sonini 24 taga yetkazadi.
Samarqand aeroporti terminali ochiq kitob shaklida qurilgan. Noyob majmua soatiga 800 yoʻlovchiga xizmat koʻrsatishga qodir. Terminal “ochiq osmon” rejimida ishlaydi, shuningdek, yuk tashishga xizmat qiladi.
Yangiliklar lentasi
0