Siyosat

Davlat bojxona qoʻmitasida qator muhim tayinlovlar amalga oshirildi

© Sputnik / Ilya PitalevPapka s dokumentami
Papka s dokumentami - Sputnik Oʻzbekiston, 1920, 27.03.2022
Obuna boʻlish
Yandex newsTelegram
Davlat bojxona qoʻmitasiga ikki yangi oʻrinbosar tayinlandi. Besh hududda bojxona boshqarmasi boshliqlari oʻzgardi.
TOSHKENT, 27 mar — Sputnik. Oʻzbekiston prezidentining tegishli qaror va farmoyishlari bilan Davlat bojxona qoʻmitasi (DBQ) rahbariyati va bir qator hududiy bojxona boshqarmalarida muhim tayinlovlar amalga oshirildi.
Ilhom Muxtorov DBQ raisining birinchi oʻrinbosari lavozimiga tayinlandi. Shu kungacha u bu lavozimda vaqtincha bajaruvchi sifatida faoliyat yuritgan.
Otabek Ibragimov qoʻmita raisi oʻrinbosari lavozimiga tayinlandi. Shu kungacha u Prezident administratsiyasining masʼul xodimi sifatida faoliyat yuritgan.
Mutalibjon Saliyev Namangan viloyati bojxona boshqarmasi boshligʻi etib tayinlandi. U bugunga qadar qoʻmita raisi oʻrinbosari boʻlib ishlab kelayotgan edi.
Olimjon Hojimatov Toshkent viloyati bojxona boshqarmasi boshligʻi etib tayinlandi. U bunga qadar Qoraqalpogʻiston Respublikasi bojxona boshqarmasi boshligʻi boʻlib xizmat qilib kelayotgan edi.
Ilhombek Kazakov Qoraqalpogʻiston Respublikasi bojxona boshqarmasi boshligʻi etib tayinlandi. Ilgari u Xorazm viloyati bojxona boshqarmasi boshligʻi edi.
Maksudbek Klichev Xorazm viloyati bojxona boshqarmasi boshligʻi etib tayinlandi. Bungacha u Fargʻona viloyati bojxona boshqarmasi boshligʻining birinchi oʻrinbosari boʻlgan.
Baxtiyor Muratov Andijon viloyati bojxona boshqarmasi boshligʻi etib tayinlandi. Bungacha u Toshent shahar bojxona boshqarmasi boshligʻining birinchi oʻrinbosari vazifasida mehnat qilib kelayotgan edi.
Toshkent shahar bojxona boshqarmasining “Ark buloq” tashqi iqtisodiy faoliyat bojxona posti boshligʻi vazifasida xizmat qilib kelayotgan Gʻayrat Nasirov “Toshkent-AERO” ixtisoslashtirilgan bojxona kompleksi boshligʻi etib tayinlandi.
Eslatib oʻtamiz, fevral oʻrtalarida prezident Shavkat Mirziyoyev 2022 yilda bojxona maʼmurchiligini yanada takomillashtirish va sohani korruptsiyadan xoli tizimga aylantirish boʻyicha ustuvor vazifalar yuzasidan yigʻilish oʻtkazgan edi. Unda sohada amalga oshiriligi kerak boʻlgan qator vazifalar belgilab berilgan.
Yangiliklar lentasi
0