Iqtisod

Qishloq xoʻjaligi yerlaridan foydalanuvchilar ragʻbatlantiriladi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik Oʻzbekiston, 1920, 27.03.2022
Obuna boʻlish
Yandex newsTelegram
Yerdan foydalanuvchilarga har bir gektar maydonga 1 million soʻmdan subsidiya ajratiladi va qator soliq imtiyozlari beriladi.
TOSHKENT, 27 mar — Sputnik. Qishloq xoʻjaligi yerlaridan foydalanuvchilarga har bir gektar maydonga 1 million soʻmdan subsidiya ajratiladi. Bu prezident imzolagan “Paxta maydonlarida tuproq unumdorligini va hosildorlikni oshirish, sugʻorishning yangi texnologiyalarini joriy etishni qoʻllab-quvvatlash chora-tadbirlari toʻgʻrisida”gi qarorda koʻzda tutilgan.
Qarorga koʻra, qishloq xoʻjaligi yerlaridan foydalanuvchi (ijarachi)larga paxta maydonlarida tuproq unumdorligini oshirish tadbirlari uchun 2022–2023 yillarda sinov tariqasida ragʻbatlantirishning quyidagi mexanizmlari joriy etiladi:
tuproq unumdorligini oshirish va eroziyadan muhofaza qilish tadbirlarini amalga oshirganlik uchun soliq imtiyozlari beriladi;
yerlarni tiklash, qayta foydalanishga kiritish va yangidan oʻzlashtirish, rekultivatsiyalash va melioratsiyalash tadbirlarini bajarish uchun subsidiyalar ajratiladi va yer soligʻidan qisman ozod etiladi.
2022-2023 yillarda sinov tariqasida:
tuproq unumdorligi va paxta hosildorligini oshirish, ilmiy asoslangan almashlab ekishni va sugʻorishning yangi texnologiyalarini joriy etish hamda oʻsimliklar himoyasi boʻyicha xizmatlarni yoʻlga qoʻyish va zamonaviy laboratoriyalarni barpo etish uchun yerdan foydalanuvchi (jumladan, klaster)larga Davlat byudjeti mablagʻlari hisobidan har bir gektar maydonga 1 million soʻmdan subsidiya ajratiladi;
paxta maydonlarida tuproq unumdorligi va hosildorlikni oshirganlik uchun soliq imtiyozlari tuproq bonitirovkasi tahlili natijalari boʻyicha tuproq unumdorligi oshgan yerdan foydalanuvchilarga tatbiq etiladi;
yer soligʻi boʻyicha imtiyozlar 3 yil muddatga amal qiladi.
Qarorga koʻra, subsidiya ajratish tajribasi tegishli roʻyxat boʻyicha 13 ta tumandasinovdan oʻtkaziladi.
Yer ajratishda migrantlarga ustuvorlik beriladi
Yangiliklar lentasi
0