Jamiyat

Ayrim tibbiyot xodimlari oyligiga 40 foiz ustama beriladi

© Sputnik / Ramiz BaxtiyarovNatsionalnaya valyuta Uzbekistana — sum
Natsionalnaya valyuta Uzbekistana — sum - Sputnik Oʻzbekiston, 1920, 28.03.2022
Obuna boʻlish
Yandex newsTelegram
Tez tibbiy yordam tizimidagi anesteziolog, reanimatologlar oylik ish haqiga 40 foiz ustama berilishi kutilmoqda.
TOSHKENT, 28 mar — Sputnik. Tez tibbiy yordam tizimidagi anesteziolog, reanimatologlar oylik ish haqiga 40 foiz ustama beriladi. Prezident Shavkat Mirziyoyev videoselektor yigʻilishida bir hafta muddatda ushbu masalani ijobiy hal qilish boʻyicha tegishli qaror loyihasini Hukumatga kiritish vazifasini qoʻydi.
Yigʻilishda 24 ta olis hududda tez tibbiy yordam brigadalarini tuzish haqidagi topshiriq boʻyicha mart oyida faqat Andijon, Buxoro, Qashqadaryo, Navoiy, Samarqand va Toshkent viloyatlarida 9 ta brigada tashkil etilgani koʻrsatib oʻtildi.
Lekin Qoraqalpogʻiston, Jizzax, Surxondaryo va Xorazmning 15 ta olis hududida bu ishlar boshlanmagan. Davlat rahbari 10 aprelga qadar ushbu hududlarda tez tibbiy yordam brigadalarini tashkil etishni topshirdi.
“Shuningdek, ochiq muloqotda tez tibbiy yordam tizimidagi anesteziolog, reanimatologlar oylik ish haqiga 40 foiz ustama berish haqida koʻplab murojaatlar tushgan. Bir hafta muddatda ushbu masalani ijobiy hal qilish boʻyicha tegishli qaror loyihasini Hukumatga kiritish vazifasi qoʻyildi”, - deyilgan davlat rahbari matbuot xizmati xabarida.
2022 yil investitsiya dasturi doirasida tibbiyot muassasalarini qurish va taʼmirlash ishlariga byudjetdan 1,2 trillion soʻm ajratildi.
Lekin bugungi kunga qadar 32 ta poliklinika va shifoxonalarni taʼmirlash boʻyicha ishlar boshlanmagan. Barcha qurilish ishlarini 1 oktyabrga qadar yakuniga yetkazish vazifasi qoʻyildi.
Yangiliklar lentasi
0