Jamiyat

“Inson huquqlari uyi” tashkil etildi

© Sputnik / Yevgeniy BiyatovStatuya bogini pravosudiya
Statuya bogini pravosudiya - Sputnik Oʻzbekiston, 1920, 28.03.2022
Obuna boʻlish
Yandex newsTelegram
Ilmiy tadqiqotchilarga inson huquqlari boʻyicha ilmiy-huquqiy manbalardan foydalanish uchun imkoniyatlar yaratiladi.
TOSHKENT, 28 mar — Sputnik. Prezident “Inson huquqlari boʻyicha Oʻzbekiston Respublikasi Milliy markazi faoliyatining moddiy-texnika taʼminotini yanada yaxshilash toʻgʻrisida”gi 180-sonli qarorni imzoladi. Bu haqda "Huquqiy axborot" Telegram kanali xabar bermoqda.
Qaror bilan Inson huquqlari boʻyicha Oʻzbekiston Milliy markazida Inson huquqlari boʻyicha axborot-kutubxona markazi – “Inson huquqlari uyi” tashkil etildi.
Markazga quyidagi qoʻshimcha vazifalar yuklatildi:
inson huquqlari sohasida ilmiy-huquqiy bazani tizimlashtirish, oʻquv, ilmiy-uslubiy va ommabop nashrlar hamda xalqaro shartnomalarning davlat tilidagi toʻplamlari doimiy chop etilishini taʼminlash;
inson huquqlarini taʼminlashga oid islohotlarning xronologiyasini yuritish, fuqarolar va ilmiy tadqiqotchilarga inson huquqlari boʻyicha tizimlashgan ilmiy-huquqiy manbalardan foydalanish uchun keng imkoniyatlar yaratish.
Maʼlumot uchun, Milliy markaz inson huquqlari sohasida Oʻzbekistonning xalqaro majburiyatlarini bajarish boʻyicha davlat organlari va boshqa tashkilotlarning oʻzaro hamkorligini, milliy maʼruzalar tayyorlanishini, inson huquqlarini himoya qilish boʻyicha xalqaro tashkilotlar bilan hamkorlikni kengaytirishni taʼminlovchi davlat organi hisoblanadi.
Markaz davlat organlari, fuqarolik jamiyati institutlari, taʼlim, ilmiy-tadqiqot va boshqa tashkilotlarning faoliyatiga inson huquqlari sohasidagi Oʻzbekiston Respublikasining xalqaro majburiyatlarini bajarish masalalari boʻyicha koʻmaklashadi.
Yangiliklar lentasi
0