Jamiyat

Qayta tiklanuvchi energiya manbalari milliy instituti tashkil etildi

© AFP 2022 / JEAN-FRANCOIS MONIERVetroelektrostantsiya
Vetroelektrostantsiya - Sputnik Oʻzbekiston, 1920, 28.03.2022
Obuna boʻlish
Yandex newsTelegram
Qayta tiklanuvchi energiya manbalaridan foydalanish imkoniyatlarini kengaytirish va vodorod energetikasini rivojlantirish institutning asosiy vazifalari etib belgilangan:
TOSHKENT, 28 mar — Sputnik. Oʻzbekistonda Qayta tiklanuvchi energiya manbalari milliy ilmiy-tadqiqot instituti tashkil etildi. Bu borada Vazirlar Mahkamasining tegishli qarori qabul qilindi.
Qayta tiklanuvchi energiya manbalaridan foydalanish imkoniyatlarini kengaytirish va vodorod energetikasini rivojlantirish, ushbu sohalarda fundamental va amaliy tadqiqotlarni oʻtkazish hamda innovatsion loyihalarni ishlab chiqish institutning asosiy vazifalari biri etib belgilangan.
Institut qayta tiklanuvchi energiya manbalari va vodoroddan olingan energiyani elektr hamda issiqlik energiyasiga aylantirish hisobiga ulardan iqtisodiyotning yuqori texnologik sohalari va tarmoqlarida samarali foydalanish usullarini oʻrganadi va joriy etadi.
Mahalliy va xorijiy oliy taʼlim tashkilotlari bilan birgalikda ilmiy izlanishdan ishlab chiqarishgacha boʻlgan jarayonlarni oʻzaro bogʻlovchi yaxlit tizimni shakllantirish va yuqori malakali ilmiy kadrlarni tayyorlash ham institutning asosiy vazifalari biri.
Institut yuridik shaxs hisoblangan davlat ilmiy tashkiloti boʻlib, Fanlar akademiyasining “Xalqaro quyosh energiyasi instituti” MCHJning shartnomalari va majburiyatlari boʻyicha huquqiy vorisi hisoblanadi.
Institut xodimlariga Fanlar akademiyasi ilmiy-tadqiqot muassasalarining tegishli lavozimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi.
Yangiliklar lentasi
0