Madaniyat

Tretyakov galereyasi Oʻzbekistondagi muzey kollektsiyasini raqamlashtiradi

© Sputnik / Vladimir VyatkinZdaniye Gosudarstvennoy Tretyakovskoy galerei posle restavratsii
Zdaniye Gosudarstvennoy Tretyakovskoy galerei posle restavratsii - Sputnik Oʻzbekiston, 1920, 28.03.2022
Obuna boʻlish
Yandex newsTelegram
Tretyakov galereyasi ekspertlar guruhi Savitskiy muzeyida ilmiy-tadqiqot ishlarini olib bordi.
TOSHKENT, 28 mar — Sputnik. Tretyakov galereyasi Nukusdagi I.V. Savitskiy nomidagi Davlat sanʼat muzeyi kollektsiyasini raqamlashtiradi. Bu haqda Oʻzbekiston Madaniyat va sanʼatni rivojlantirish jamgʻarmasi xabar bermoqda.
22-24 mart kunlari Tretyakov galereyasi ekspertlar guruhi jamgʻarma bilan hamkorlikda Savitskiy muzeyida ilmiy-tadqiqot ishlarini olib borgan.
“Tadqiqot Sanʼat muzeyining avangard kollektsiyasini oʻrganishga, uni raqamlashtirishga tayyorgarlik koʻrish, shuningdek, boʻlajak qoʻshma koʻrgazmalarni tashkil etishga qaratilgan”, - deyilgan xabarda.
Ushbu tadqiqotlar Madaniyat va sanʼatni rivojlantirish jamgʻarmasi va Tretyakov galereyasi oʻrtasidagi rasmiy kelishuv doirasida olib borilmoqda.
Eslatib oʻtamiz, Dubayda boʻlib oʻtgan EKSPO 2020 koʻrgazmasi doirasida Oʻzbekiston Madaniyat va sanʼatni rivojlantirish jamgʻarmasi hamda Rossiyaning Tretyakov galereyasi oʻrtasida I.V. Savitskiy muzeyi kollektsiyasini oʻrganish toʻgʻrisidagi shartnoma imzolangan edi.
Yangiliklar lentasi
0