Kolumnistlar

Bayden Xudodan Putinni olib tashlashni soʻradi. Javobni uzoq kutishga toʻgʻri kelmaydi

© REUTERS / Kevin LamarquePrezident SSHA Djo Bayden
Prezident SSHA Djo Bayden - Sputnik Oʻzbekiston, 1920, 29.03.2022
Obuna boʻlish
Yandex newsTelegram
Putinni hokimiyatdan chetlatish haqidagi chaqiriqlar Rossiya va uning prezidenti bilan hech narsa qila olmasligini anglab yetgan alamdan xalos boʻlishning soʻnggi usuli boʻlib qolmoqda.
Oq uyning AQSH siyosati oʻzgarmaganligi va Rossiyada hokimiyat almashinuviga intilmayotgani haqidagi bayonotlari hech kimni ishontira olmadi - Jo Baydenning Varshavada aytgan soʻzlari taʼsirini yumshatish borasidagi urinishi hisobga olinmadi. Chunki AQSH prezidenti Vladimir Putinni bir yil avval “qotil” deb atagan va soʻnggi bir oy ichida yana koʻplab epitetlarni ishlatgandi. “Harbiy jinoyatchi”, “qotil diktator”, “kallakesar” – shu sababli Bayden shanba kuni Polsha poytaxtidagi nutqi soʻnggida matndan orqaga chekinib, “Xudo haqqi, bu odam hokimiyatda qola olmaydi”, deb xitob qilganida, hech kim hayratlangani yoʻq. Albatta, “Prezident Putinga qoʻshnilari yoki mintaqasi ustidan hukmronlik qilishiga yoʻl qoʻymaslik kerakligini nazarda tutgan” deb darhol ishontirishga uringan Oq uy xodimlaridan tashqari. Bayden maʼmuriyatining taʼkidlashicha, u Putinning Rossiyadagi hokimiyati yoki rejim oʻzgarishini muhokama qilmagan. Ertasi kuni Baydenning oʻzi rejimni oʻzgartirishga boʻlgan chaqiriqlar haqidagi savolga salbiy javob berdi.
Nega Bayden oʻz soʻzlaridan qaytdi? Chunki AQSH hamon Ukrainada Putinni magʻlub etish – yaʼni bu davlatning bir qismini oʻz taʼsirida saqlab qolishidan umidvor. Ularning fikricha, buning uchun, Putinni burchakka haydamaslik, Moskvani esa Zelenskiy bilan tinchlik bitimi tuzilganidan keyin sanktsiyalarniqisman olib tashlash umidida qoldirmaslik kerak. Bunday mantiq mutlaqo notoʻgʻri, chunki bu mantiq Kremlda AQSH bilan sanktsiyalar haqida boʻlmasa ham, Ukraina boʻyicha kelishuvga erishish mumkinligi haqida illyuziyalar borligidan kelib chiqadi. Ammo harbiy operatsiya boshlanganining oʻzi Vladimir Putinda AQSH bilan kelishuvga erishish mumkin emasligi haqida zarracha shubha boʻlmaganidan dalolat beradi. Aynan shu sababli Ukraina taqdiri Moskva va Vashington oʻrtasidagi muzokaralar yoki parda ortidagi munosabatlarda emas, balki jang maydonida hal qilinyapti.
Aslida, Bayden ham buni tushunadi – va shuning uchun Putinni toʻgʻridan-toʻgʻri haqorat qilishga harakat qiladi. U shu yoʻl bilan Putinning gʻazabini keltirmoqchimi? Bunisi dargumon. Anglo-sakslar Putinning xarakteri va strategiyasini yomon tushunishiga qaramay, ular uning yuqori darajada oʻzini munosib tutishiga ishonch hosil qilishlari mumkin edi. Shu bois, haqorat va Putinni hokimiyatdan chetlatish haqidagi chaqiriqlar Rossiya va uning prezidenti bilan hech narsa qila olmasligini anglab yetgan alamdan xalos boʻlishning soʻnggi usuli boʻlib qolmoqda.
Va bu shu bilan birga, atlantikachilarning Putinning almashishi borasida garov oʻynashi juda muhim boʻlganiga qaramay - va ular bu borada qoʻllaridan kelgan hamma narsani yoʻqotishdi. Rossiya iqtisodiyotiga shunday qattiq zarba berish kerakki, bu ichki tartibsizliklarga, “yuqori”da toʻntarishlarga olib kelsin qabilida. Aynan mana shu “dohiyona” fikr 2014-yilda Obama-Bayden maʼmuriyati Rossiya va “Putin oligarxlari”ga qarshi sanktsiyalar qoʻllaganida ham boʻlgan. Ish bermagan
Biroq, 2022 yilda ham anglosakslar yana shu mantiqqa amal qilishmoqda - va nafaqat “Putin uchun rus xalqi tovon toʻlaydi” kabi, balki Rossiyada ham, Gʻarbda ham, ikki uyda yashaygan har qanday boy ruslarga zarar yetkazishga urgʻu beradi. Tushunishmaydiki, ularning aksariyati Putinga qarshi kayfiyatda boʻlgan, agar butun Rossiyaga qarshi boʻlmagan boʻlsa, albatta. Yaʼni, “oʻzingnikini kaltakla, shunda begona qoʻrqadi” - bu holatda oʻsha begonalar Rossiyaning vatanparvar boʻlmagan fuqarolari ekanligi aniqlandi.
Chunki Putinga qarshi sanktsiyalardan asosiy zararni Gʻarbning oʻzi – energotashuvchilar narxining koʻtarilishida emas, balki gʻarbdan tashqari dunyoning qolgan boshqa mamlakatlarining dollar va Gʻarb valyutalariga, anglo-sakslar tomonidan qurilgan butun jahon moliyaviy tizimga ishonchi susayganida koʻradi. Va bu Gʻarb uchun shuni anglatadiki, ular Putinni nishonga olishgan edi, ammo unga oʻzlari borib urilishdi.
Putin esa gʻarbiy boʻlmagan dunyo uchun diktator emas, balki anglo-sakslar gegemonligiga qarshi kurashgan, atlantikachilar hech narsa qila olmaydigan insonga aylandi. Yaʼni, Putin endi faqat Rossiyaning emas, balki butun Gʻarbga qarshi dunyoning yetakchisiga aylanmoqda. Bu paytda esa Bayden oʻzini Rossiyani yakkalagandek koʻrsatishda va ruslarni “diktatordan qutulishga” chaqirishda davom etmoqda
Qolaversa, bu bilan u uzoq vaqtlardan buyon shugʻullanib kelgan - 2011 yilda vitse-prezident sifatida u “Putinni olib tashlashga” harakat qilgan. Oʻshanda u Moskvaga tashrifi chogʻida Rossiya Bosh vaziriga yana prezidentlikka nomzodini qoʻymasligi kerakligiga shama qilgan edi. Putin Baydenga quloq solmadi- yaʼni AQSH prezidentining shundoq ham bilganlarining tasdigʻiga aylandi. AQSH chindan ham Putinni hokimiyatdan mahrum qilishni istaydi, chunki unga kuchli raqib, qarshi chiqishdan qoʻrqmaydigan odam kerak emas.
Va bularning hammasi shaxsan Putin haqida emas – Gʻarb Rossiya tarixidagi barcha kuchli va mustaqil rahbarlardan nafratlanib kelgan. Ular qotil, jallod va qonxoʻr diktator deb nafaqat Ivan Grozniyni, balki Nikolay I, Aleksandr II, Nikolay II, Lenin, Stalin, Xruщev va hatto Brejnev - ichki siyosati qanday boʻlishidan qatʼiy nazar hammasini shunday atashgan. Rahbariyatimizning tashqi maydondagi xatti-harakatlari anglo-sakson elitasiga tahdid solishi bilanoq, ularni bittalab shaytonlashtirish mexanizmi darhol ishga tushdi. Biz buni yaxshi eslaymiz - va hayratlanmaymiz.
Bir yil avval Baydenning haqoratiga javoban Putin, kim boshqalarni qanday atasa, uning oʻzi shunday dedi. Va shu maʼnoda shuni taʼkidlash kerakki, Joning Varshavadagi chaqiruvi Xudo tomonidan va Amerika xalqi tomonidan ham eshitiladi – “bu odam” haqiqatan ham hokimiyatda qola olmaydi.
Yetti oydan soʻng u Kongress ustidan nazoratni yoʻqotadi va darhol impichment jarayoni boshlanadi. Va bu respublikachilarning Trampga nisbatan Baydenning xuddi shunday harakatlari uchun qasosi boʻladi. Tramp bilan boʻlgani kabi, u muvaffaqiyatli boʻlolmaydi, biroq charchatadi va Bayden maʼmuriyatining kuchini cheklaydi. Keyin esa, 2024 yilda prezidentlik saylovlari boʻlib oʻtadi. Unda asosiy intriga gʻolibning nomi emas, balki AQSH birligi boʻladi. Demak, Putinning Baydenning emas, balki uning davlatining dafn marosimida shamollab qolishi uchun barcha imkoniyatlari bor.
Yangiliklar lentasi
0