Jamiyat

Bosh prokuratura marhum xodimi uchun 951 mln soʻm nafaqa puli toʻlaydi

© Uznews.uzProkuratura
Prokuratura - Sputnik Oʻzbekiston, 1920, 29.03.2022
Obuna boʻlish
Yandex newsTelegram
Sud qarori: Bosh prokuratura 951,2 mln soʻm bir yoʻla toʻlanadigan nafaqa puli va 20 mln soʻm maʼnaviy zarar, qolaversa, 76,6 mln soʻmlik davlat bojini toʻlaydi.
TOSHKENT, 29 mar - Sputnik. Bosh prokuratura ishda vafot etgan xodimi uchun 951 mln soʻm nafaqa puli toʻlab beradi. Bu haqida Toshkent shahar sudlari matbuot xizmati xabar bermoqda.
Oʻtgan yili Bosh prokuratura xodimi Samir Rahmonov 33 yoshida yurak xurujidan vafot etganidan soʻng uning otasi boquvchisini yoʻqotganlik nafaqasini olish maqsadida Bosh prokuraturani sudga bergandi.
Sudning shu yil 10 martdagi ajrimi bilan daʼvogar A. Raxmanov (marhumning otasi) vafot etganligi sababli uning daʼvo arizasi ish yurituvidan tugatilgan.
Aytilishicha, sudning tashabbusi bilan daʼvogar tomonidan mustaqil talab bilan arz qiluvchi uchinchi shaxs sifatida jalb qilingan N. Raxmanova sudga javobgarga nisbatan turmush oʻrtogʻining ish joyida vafoti munosabati bilan voyaga yetmagan farzandlari va oʻzi uchun nafaqa, sugʻurta tovoni va maʼnaviy zarar undirish toʻgʻrisidagi daʼvo arizasi bilan murojaat qilgan.
“Fuqarolik ishlari boʻyicha Mirobod tumanlararo sudining 2022 yil 28 martdagi hal qiluv qaroriga asosan N. Raxmanovaning daʼvo talablari qisman qanoatlantirilgan”, deyiladi xabarda.
Bosh prokuratura N. Raxmanovaning foydasiga 951 275 952 soʻm miqdorida bir yoʻla toʻlanadigan nafaqa puli va 20 000 000 soʻm miqdorida maʼnaviy zarar toʻlab beradi. Shuningdek, javobgardan davlat foydasiga 76 642 076 soʻm davlat boji undiriladi.
Yangiliklar lentasi
0