Iqtisod

Oʻzbekiston transafgʻon temir yoʻli qurilishini boshladi – OAV

© Pixabay / 652234Jeleznaya doroga relsы
Jeleznaya doroga relsы - Sputnik Oʻzbekiston, 1920, 29.03.2022
Obuna boʻlish
Yandex newsTelegram
Taʼkidlanishicha, Termiz—Mozori Sharif—Kobul—Peshovar temir yoʻli mintaqaning kelajagi uchun burilish nuqtasi boʻlishi mumkin.
TOSHKENT, 29 mar — Sputnik. Oʻzbekiston oʻtgan hafta transafgʻon temir yoʻlini qurishni boshladi. Bu haqda Pokistonning “The News International” nashri xabar bermoqda.
Markaziy Osiyoni Pokiston portlari bilan bogʻlovchi magistral loyiha 5 milliard dollarga baholanmoqda. Uning yordamida mintaqadagi tovarlar tez va arzon dunyo okeanlariga chiqib bora oladi.
Oʻzbekiston eksport va import yuklarining Sharqiy Osiyo davlatlaridan uzluksiz logistikasini tashkil etish maqsadida Afgʻoniston va Pokistonning yirik transport-logistika kompaniyalari, Xalqaro avtomobil tashuvchilari uyushmasi hamda transport va bojxona idoralari vakillari ishtirokida 26–27 mart kunlari Termiz shahrida transport masalalari boʻyicha uch tomonlama ishchi guruh uchrashuvi boʻlib oʻtgan.
Uchrashuvda Oʻzbekiston, Afgʻoniston va Pokiston davlatlari hududi boʻylab avtomobil transportida xalqaro yuk tashuvlari jarayonida yuzaga kelayotgan muammolar va ularni hal etish masalalari muhokama qilingan.
Pokiston investitsiya boʻyicha komissiyasi rahbari Muhammad Azfar Axsanning soʻzlariga koʻra, Termiz—Mozori Sharif—Kobul—Peshovar temir yoʻli mintaqaning kelajagi uchun burilish nuqtasi boʻlishi mumkin.
Uchrashuv davomida uchta mamlakat boʻylab yuklarni avtomobillarda tashish muammosi va ularga yechim topish masalalari muhokama qilingan. Pokiston orqali yuk tashish shartlari hamda oʻzaro tovar ayirboshlash hajmini oshirish masalalari koʻrib chiqilgan.
Oʻzbekiston Transport vazirligining maʼlum qilishicha, uchrashuv yakuni boʻyicha Pokiston va Afgʻonistonning 7 ta kompaniyasi bilan oʻzaro hamkorlik toʻgʻrisida memorandum va kelishuvlar imzolangan.
RJD transafgʻon temir yoʻlinining texnik-iqtisodiy asoslarini ishlab chiqishga tayyor
Avvalroq Oʻzbekiston 2022 yil bahoridan transafgʻon temir yoʻli boʻyicha ishlarni boshlashi maʼlum qilingan edi. Buni toliblar* tashqi ishlar vaziri vazifasini bajarayotgan Amir Xon Muttaqiyga mamlakat transport vaziri Ilhom Mahkamov Islomobodda oʻtgan muzokaralar chogʻida aytgani xabar qilingan edi.
* Tashkilot terrorchilik faoliyati uchun BMT sanktsiyalari ostida.
Yangiliklar lentasi
0