Iqtisod

Sirdaryoda Yaponiya va Frantsiya bilan hamkorlikda IES quriladi

© Unsplash / Andreas FelskeTES, illyustrativnoye foto
TES, illyustrativnoye foto - Sputnik Oʻzbekiston, 1920, 29.03.2022
Obuna boʻlish
Yandex newsTelegram
Stantsiya qurilishi davomida 2 500 nafar, ishga tushgach esa 120 nafar yangi ish oʻrni yaratiladi.
TOSHKENT, 29 mar - Sputnik. Sirdaryoda quvvati 1 600 MVt boʻlgan bugʻ-gaz issiqlik elektr stantsiyasi quriladi. Bu haqida Energetika vazirligi Matbuot xizmati xabar bermoqda.
Loyiha doirasida Sirdaryo viloyati, Shirin shahrida 55 gektar maydonda zamonaviy “H-class”dagi qoʻshma tsiklda ishlaydigan gaz va bugʻ turbinali issiqlik elektr stantsiyasi qurilishi rejalashtirilgan. U 2026 yilning yanvar oyida ishga tushirilishi kutilmoqda.
Loyihaning yillik elektr energiya ishlab chiqarish quvvati 12 mlrd kVt.soatni tashkil etadi. Stantsiyaning foydali ish koeffitsiyenti 60%dan yuqori boʻladi va buning natijasida yiliga 1,1 mlrd kub metr tabiiy gaz tejalishiga erishiladi.
Stantsiya qurilishi davomida 2 500 nafar, ishga tushgach esa 120 nafar yangi ish oʻrni yaratiladi.
Ushbu investitsiya loyihasi doirasi “Oʻzbekiston milliy elektr tarmoqlari” AJ va EDF (Frantsiya) Nebras Power (Qatar) va Sojitz (Yaponiya) kompaniyalari konsortsiumi oʻrtasida imzolangan. Yangi loyiha Hujjat Toshkent xalqaro investitsiya forumi doirasida Konsortsium vitse-prezidenti Beatris Buffon xonim va “Oʻzbekiston milliy elektr tarmoqlari” AJ boshqaruv raisi Dadajon Isaqulov tomonidan imzolandi.
Yangiliklar lentasi
0