Hodisalar

Sirdaryoda $7,7 mln. ishlagan mayning ferma topildi - video

Mayning-ferma
Mayning-ferma - Sputnik Oʻzbekiston, 1920, 30.03.2022
Obuna boʻlish
Yandex newsTelegram
Kriptovalyuta maynerlari oʻz faoliyatini "quyonchilik fermasi" deb atab, elektrni imtiyozli narxlarda sotib olgan.
TOSHKENT, 30 mar - Sputnik. Davlat Xavfsizlik xizmati xodimlari Sirdaryo viloyati Boyovut tumanida noqonuniy ishlayotgan mayning ferma faoliyatiga chek qoʻydi.
Maʼlum boʻlishicha, Toshkent shahrida roʻyxatdan oʻtgan xorijiy korxona Sirdaryoda binoni ijaraga olib uning ichiga 1491 komplekt mayning qurilmalari hamda 9280 dona videokarta joylashtirgan. Korxona 2020 yilning avgust oyidan buyon 7,7 mln. AQSH dollariga teng kriptovalyuta ishlagani aniqlangan.
Shuningdek, bino egasi boʻlgan MCHJ va xorijiy korxona oʻzaro til biriktirib mahalliy elektr tarmogʻiga ulanishda oʻz faoliyatini "quyonchilik fermasi" deb atab, elektrni imtiyozli narxlarda sotib olgan.
Hozirda mazkur holat yuzasidan jinoyat ishi qoʻzgʻatilgan.
Maʼlumot uchun, Oʻzbekiston qonunchiligida kriptovalyuta ishlab chiqarish faoliyati - litsenziyalanishi belgilangan. Shuningdek maynerlar uchun elektr energiyasi sotib olishda alohida narxlar belgilangan. Ushbu qonun normalarining buzilishi - noqonuniy faoliyat bilan shugʻullanganlarni javobgarlikka tortishga sabab boʻladi.
Eslatib oʻtamiz, Sirdaryo viloyatida 2021 avgust oyida ham yana bir mayning ferma noqonuniy ishlagani aniqlangan edi. Oʻshanda davlatga elektr energiyasi uchun 265 mln. soʻmga yaqin zarar yetkazilgani aniqlangan edi.
Yangiliklar lentasi
0