Jamiyat

Emine Erdoʻgʻan Ziroat Mirziyoyevaning mehmoni boʻldi

© Press-slujba prezidenta TurtsiiZiroat Mirziyoyeva i Emine Erdogan
Ziroat Mirziyoyeva i Emine Erdogan - Sputnik Oʻzbekiston, 1920, 30.03.2022
Obuna boʻlish
Yandex newsTelegram
Oʻzbekiston va Turkiya prezidentlarining rasmiy uchrashuvi doirasida Emine Erdoʻgʻan xonim oʻzbek milliy anʼanalari bilan tanishdi.
TOSHKENT, 30 mart — Sputnik. Turkiya prezidenti va uning rafiqasining Oʻzbekistonga rasmiy tashrifi chogʻida Ziroat Mirziyoyeva Emine Erdoʻgʻan bilan uchrashdi. Bu haqda Saida Mirziyoyeva oʻzining telegramdagi rasmiy sahifasida maʼlum qildi.
“Kecha mamlakatimizga rasmiy tashrif bilan kelgan Turkiya Prezidentining rafiqasi Emine Erdoʻgʻon bilan uchrashdik. Emine xonimni oʻzbek milliy anʼanalari, tarixiy qadamjolari, hunarmandchilik namunalari, milliy taomlarimiz bilan tanishtirdik”, deydi Saida Mirziyoyeva.
Tashrif doirasida xonimlar Toshkentdagi Davlat amaliy sanʼat muzeyiga tashrif buyurishdi. U yerda XIX asrning birinchi yarmidan to hozirgi kunlarimizgacha boʻlgan davrni qamrab olgan qoʻli gul ustalar tomonidan yaratilgan bebaho amaliy sanʼat durdonalari bilan tanishishdi.
Shuningdek, mehmon muzey hovlisida sumalak pishirish jarayonida ham ishtirok etdi.
Yangiliklar lentasi
0