Jamiyat

Tibbiyot xodimlari uchun diniy kiyimda yurish cheklovi olib tashlandi

© Press-slujba Ministerstva Zdravooxraneniya UzbekistanaMeditsinskiye rabotniki
Meditsinskiye rabotniki - Sputnik Oʻzbekiston, 1920, 31.03.2022
Obuna boʻlish
Yandex newsTelegram
Diniy kiyimda yurish cheklovi olib tashlangan, lekin sport kiyimlari, kalta shim va krossovkalarda yurish ham mumkin emas.
TOSHKENT, 31 mart — Sputnik. Sogʻliqni saqlash vazirining buyrugʻiga asosan tibbiyot xodimlariga "hijob va boshqa diniy kiyim-boshlarda yurish" boʻyicha taʼqiq olib tashlandi. Bu haqida Oliy Majlis deputati Rasul Kusherbayev maʼlum qildi.
Deputatning yozishicha, Sogʻliqni saqlash vazirining 20.01.2016 yildagi 34-buyrugʻiga asosan tibbiyot xodimlari hijob va boshqa diniy kiyim-boshlarda yurishlari taʼqiqlangan edi. Ushbu buyruq bekor qilingan.
“Oʻzbekiston Respublikasining amaldagi qonunlarida fuqarolarga hijob va boshqa diniy kiyimlarda yurish boʻyicha cheklovlar mavjud emas”, deya qoʻshimcha qildi Rasul Kusherbayev.
Maʼlumot oʻrnida, “Tibbiyot xodimlarini odob-axloq Kodeksi”da soha xodimlariga uzunligi tizzadan kalta boʻlgan, shaffof va yaltiroq matolardan tikilgan, bichimi tor, koʻkrak, qorin, yelka qismi ochiq bluzka va koʻylaklar kiyish taqiqlanadi.
Muassasa hududida sport kiyimlari, kalta shim va krossovkalarda yurish ham mumkin emas. Hujjatda xodimlar jiddiy, ishchan va didli, ziyoli shaxs qiyofasini shakillantirish maqsadida korparativ kiyinish uslubi talablariga amal qilishi lozimligi belgilab qoʻyilgan.
Yangiliklar lentasi
0