Sport

Roksana Xudoyorova Avstraliyadagi xalqaro musobaqada gʻalabaga erishdi

© NOKRoksana Xudoyorova
Roksana Xudoyorova - Sputnik Oʻzbekiston, 1920, 01.04.2022
Obuna boʻlish
Yandex newsTelegram
Kumush medalni qoʻlga kiritgan Kayla Kuba Roksanadan 3 sm past natija qayd etgan boʻlsa, Ovusu Deysli 5 sm ortda qoldi.
TOSHKENT, 1 apr — Sputnik. Yengil atletika boʻyicha Oʻzbekiston terma jamoa aʼzosi Roksana Xudoyorova Avstraliya ochiq chempionatida uch hatlab sakrash dasturida gʻalaba qozondi, deyu xabar qilmoqda Milliy Olimpiya Qoʻmitasi.
“Hamyurtimiz musobaqada 13.54 metr natija qayd etishga muvaffaq boʻldi. Ikkinchi va uchinchi oʻrinlar Avstraliya terma jamoasi vakilalariga nasib etdi. Kumush medalni qoʻlga kiritgan Kayla Kuba Roksanadan 3 sm past natija qayd etgan boʻlsa, Ovusu Deysli 5 sm ortda qoldi”, deyiladi xabarda.
Aytilishicha, Roksana Xudoyorova ertaga uzunlikka sakrash dasturida ham oʻz omadini sinab koʻradi.
Eslatib oʻtamiz, Roksana Xudoyorova mart oyining boshida Avstraliyaning Kvinslend shtatida yengil atletika boʻyicha oʻtkazilgan xalqaro musobaqada ham uch hatlab sakrash dasturida gʻoliblikni qoʻlga kiritgan edi. Oʻshanda u sakrashda 13.60 metr natija qayd etgan.
Yangiliklar lentasi
0