Iqtisod

Qozogʻistondan 100 ming tonna bugʻdoy import qilinadi

© Sputnik / Sergey Averin / Fotobankka oʻtishUborka zernovыx v Donetskoy i Luganskoy oblastyax
Uborka zernovыx v Donetskoy i Luganskoy oblastyax - Sputnik Oʻzbekiston, 1920, 03.04.2022
Obuna boʻlish
Yandex newsTelegram
Oʻzbekiston aprel-iyul oylarida Qozogʻistondan 100 ming tonna 3-sinf bugʻdoyini (bir qismi un) maqbul narxlarda import qilishni rejalashtirmoqda.
TOSHKENT, 3 apr — Sputnik. Oʻzbekiston Qozogʻistondan 100 ming tonna bugʻdoy va qisman un xarid qiladi. Bu Hukumatning 31 martdagi "Oziq-ovqat xavfsizligi va ichki bozorda narxlar barqarorligini taʼminlash boʻyicha qoʻshimcha chora-tadbirlar toʻgʻrisida"gi qarorida koʻzda tutilgan.
Bu bilan dunyo bozorlarida yuzaga kelgan keskin tebranishlarning ichki bozorni oziq-ovqat mahsulotlari bilan taʼminlashga salbiy taʼsirini kamaytirish, ichki bozorni bugʻdoy, un va oʻsimlik yogʻi mahsulotlari bilan uzluksiz va kafolatli taʼminlash maqsad qilingan.

“2022 yil aprel-iyul oylarida Qozogʻistondan 100 ming tonna 3-sinf bugʻdoyini (bir qismi un) maqbul narxlarda import qilish boʻyicha taklifga rozilik berilsin”, - deyilgan hujjatda.

"Oʻzdavzaxira" Qozogʻistonning "Prodovolstvennaya kontraktnaya korporatsiya" milliy kompaniyasi va bugʻdoyni eksport qiluvchi boshqa korxonalaridan 100 ming tonna 3-sinf bugʻdoyni (bir qismi un) yetkazib berish boʻyicha import shartnoma imzolaydi.
Import qilingan bugʻdoy (un) birja savdolari orqali sotiladi.
Yuklarni vagonlardan tushirib olish muddati boʻyicha qoʻllaniladigan tariflar (prostoy) miqdori barcha turdagi bugʻdoy importyorlariga dastlabki uch kun uchun 40 foizga pasaytiriladi.
Qishloq xoʻjaligi vazirligi va Iqtisodiy taraqqiyot va kambagʻallikni qisqartirish vazirligi ichki va tashqi bozorlardagi vaziyatdan kelib chiqib, mazkur qaror doirasida ajratiladigan mablagʻlar hisobidan yana 500 ming tonna bugʻdoyni import qilish zarurati yuzasidan asoslantirilgan taklif kiritadi.
Yangiliklar lentasi
0