Iqtisod

MB: 9 apreldan toʻlov hujjatlariga jismoniy shaxslar STIR oʻrniga JSHSHIR kiritishlari kerak

© Sputnik / Ramiz BaxtiyarovTsentralnыy bank Uzbekistana
Tsentralnыy bank Uzbekistana - Sputnik Oʻzbekiston, 1920, 04.04.2022
Obuna boʻlish
Yandex newsTelegram
Bu toʻlov hujjatlarini rasmiylashtirishga qoʻyiladigan talablarga doir normativ-huquqiy hujjatlarga kiritilgan oʻzgartirishlarda koʻzda tutilgan.
TOSHKENT, 4 apr — Sputnik. Oʻzbekistonda 9 apreldan toʻlov hujjatlariga jismoniy shaxslar STIR oʻrniga JSHSHIRni kiritishlari kerak boʻlgan tartib kuchga kiradi. Bu haqda Markaziy bank (MB) ogohlantirish bilan chiqdi.
Bu mijozlar banklarga taqdim etadigan toʻlov hujjatlarini rasmiylashtirishga qoʻyiladigan talablarga doir normativ-huquqiy hujjatlarga kiritilgan oʻzgartirishlarda koʻzda tutilgan. Ularni joriy yil 9 apreliga qadar bosqichma-bosqich, undan soʻng toʻliq tatbiq etilishi rejalashtirilgan.
Mazkur oʻzgartirishlar amaliyotga joriy qilingandan keyin barcha toʻlov hujjatlarida toʻlovchi – jismoniy shaxslarning STIRi (soliq toʻlovchining identifikatsiya raqami) oʻrniga, toʻlov hujjatining “toʻlovchining identifikatsiya raqami” deb nomlangan rekvizitida ularning JSHSHIRi (jismoniy shaxsning shaxsiy identifikatsiya raqami) koʻrsatilishi majburiy hisoblanadi.
Shu munosabat bilan tadbirkorlik faoliyati bilan shugʻullanuvchi jismoniy shaxslar (shuningdek, yakka tartibdagi tadbirkorlar) toʻlovni amalga oshirish maqsadida toʻlov hujjatlarini rasmiylashtirayotganda oʻzlarining JSHSHIRlari toʻgʻri va toʻliq kiritishlari zarur.
MB barcha xoʻjalik yurituvchi subʼyektlar ham toʻlov talabnomalari va inkasso topshiriqnomalarini rasmiylashtirishda kontragentlar – jismoniy shaxslarning JSHSHIRlari toʻgʻri kiritilayotganiga eʼtiborli boʻlishlarini soʻragan.
Yangiliklar lentasi
0