Jamiyat

MDH davlatlari Korruptsiyaga qarshi kelishuv imzolaydi

© Internet-portal SNGFlagi stran uchastnits SNG
Flagi stran uchastnits SNG - Sputnik Oʻzbekiston, 1920, 04.04.2022
Obuna boʻlish
Yandex newsTelegram
MDH davlatlari prezidentlari sammiti 2022 yilning oktyabr oyida Qozogʻistonda boʻlib oʻtishi kutilmoqda.
TOSHKENT, 4 apr - Sputnik. Ushbu yil oxiriga qadar MDH davlatlari rahbarlari navbatdagi sammitda Korruptsiyaga qarshi kelishuvni imzolaydi, deb xabar qilmoqda Sputnik Belarus.
"Hamdoʻstlik prezidentlari sammitida MDH mamlakatlari oʻrtasida korruptsiyaga qarshi kurash masalalari boʻyicha hamkorlik toʻgʻrisidagi bitim davlat rahbarlariga imzolash uchun taqdim etiladi", - deyiladi MDHning Minskdagi bosh qarorgohi maʼlumotida.
MDH davlatlari prezidentlari sammiti 2022 yilning oktyabr oyida Qozogʻistonda boʻlib oʻtishi kutilmoqda.
Eslatib oʻtamiz, ushbu shartnoma haqidagi xabar dastlab 2021 yilda paydo boʻlgan edi. Oʻshanda Rossiya Hamdoʻstlik mamlakatlari oʻrtasida korruptsiyaga qarshi kurash boʻyicha hamkorlik toʻgʻrisidagi bitimni ishlab chiqish tashabbusini ilk bor bildirgan edi.
2021 yilning kuzida Minskda kelishuv loyihasini kelishish uchun ekspert guruhining yigʻilishi boʻlib oʻtdi. Yangi shartnoma mutaxassislar taklif va mulohazalar asosida tuzildi va yakuniy shaklini ishlab chiqish uchun MDH mamlakatlarga yuborilgan edi.
Xabarda aytilishiga koʻra, Rossiya rahbariyati ushbu shartnomani imzolash toʻgʻrisida qarorni allaqachon qabul qilgan.
“Rossiya prezidenti Vladimir Putin MDHga aʼzo davlatlar oʻrtasida korruptsiyaga qarshi kurashish boʻyicha hamkorlik toʻgʻrisidagi bitimni imzolashga buyruq berdi”, — deyiladi MDH Ijroiya qoʻmitasi xabarida.
Avvalroq Oʻzbekistonda Korruptsiyaga qarshi kurash agentligi tashkil etilgan edi, deb xabar qildi Oʻzbekiston Adliya vazirligi matbuot xizmati. Yangi organ bevosita prezidentga boʻysunadi va Oliy Majlisning har ikki palatasiga hisobot beradi.
Yangiliklar lentasi
0